Showing posts with label more articles. Show all posts
Showing posts with label more articles. Show all posts

Thursday, 20 September 2018

சவூதியின் வதைமுகாம்களில் இருந்து மரண மைதானத்துக்கு நகர்த்தப்படும் இஸ்லாமிய அறிஞர்கள் .

சவூதியின் வதைமுகாம்களில் இருந்து மரண மைதானத்துக்கு நகர்த்தப்படும் இஸ்லாமிய அறிஞர்கள் .

எஸ்.எம்.மஸாஹிம்(இஸ்லாஹி)
சவூதியில் சிறையில் அடைக்கப்பட்டுள்ள பிரபல இஸ்லாமிய அறிஞரான சல்மான் அவ்தாவுக்கு மரண தண்டனை வழங்குமாறு முடிக்குரிய பின் சல்மான் நிர்வாகம் பரிந்துரைத்துள்ளது. இதை தொடர்ந்து கடந்த அடுத்த சில நாட்களில் அறிஞர்களான ஆவாத் அல்-கர்னி , அலி அல்-அம்ரி, ஆகியோருக்கு எதிராகவும் மரண தண்டனை வழங்குமாறு சவூதி அரசு பரிந்துரைத்துள்ளது என்ற தகவல்களை வெளியாகியுள்ளது. இந்த மரண தண்டனை பரிந்துரை சர்வதேச அளவில் பாரிய அதிர்வலைகளை ஏற்றப்படுத்திவருகின்றது. 

 சர்வதேச அளவில் அறியப்பட்ட பிரபல இஸ்லாமிய அறிஞரான கலாநிதி ஸல்மான அவ்தாவுக்கு எதிராக 37 பயங்கரவாத குற்றச்சாட்டுக்களை பின் சல்மான் நிர்வாகம் முன்வைத்தே மரணதண்டனையை பரிந்துரைத்துள்ளது. தற்போது இரகசியமாகவும், விரைவாகவும் இடம்பெறும் இந்த விசாரணையின் ''இறுதித் தீர்ப்பு நாள்'' இரகசியமாக வைக்கப்பட்டுள்ள நிலையில் எந்த நேரத்திலும் இறுதி தீர்ப்பு இரகசியமாக வழங்கப்பட்டு அவர்களின் தலைகள் துண்டாடப்பட்டு மரணதண்டனை நிறைவேற்றப்படலாம் என்ற அச்சம் பலராலும் வெளியிடப்பட்டுள்ளது. இதேவேளை இது தவிர கைது செய்யப்பட்டு பல நீண்டகாலமாக சிறைவைக்கப்பட்டுள்ள பல அறிஞர்களுக்கும் இரகசிய விசாரணை மூலமாக பல்வேறு கடுமையான தண்டனைகள் பரிந்துரைக்கப்பட்டுள்ளதாக சர்வதேச அறபு தகவல்கள் குறிப்பிடுகின்றன.

இந்த மரணதண்டனை பரிந்துரை உலகளாவிய முஸ்லிம் உம்மாவின் மத்தியிலும், இஸ்லாமிய அறிஞர்கள் மத்தியிலும் அதிர்ச்சியையும் கவலையையும் ஏற்றப்படுத்தியுள்ளது, இஸ்லாமிய அறிஞரான கலாநிதி ஸல்மான் அவ்தாவை பயங்கரவாதியாக சித்தரித்துள்ள முஹம்மது பின் சல்மான் நிர்வாகம் அவரின் ''கழுத்தை வெட்டி'' சீர்த்திருத்தம் கோரும் அவரின் குரலை இல்லாமல் செய்துவிட முயற்சிப்பதாக இஸ்லாமிய முன்னணி செயல்பாட்டாளர்கள் பலர் கண்டனங்களை வெளியிட்டுள்ளனர். சவூதியின் முஹம்மது பின் சல்மான் முடிக்குரிய இளவரசராக ஆக்கப்பட்ட பின்னர் சீர்திருத்தம் கோரும் இஸ்லாமிய அறிஞர்கள், இஸ்லாமிய செயல்பாட்டாளர்கள், எழுத்தாளர்கள், கல்வியாளர்கள், மனித உரிமை செயல்பாட்டாளர்கள் என நூற்றுக்கணக்கானவர்கள் சிறையிலிடப்பட்டுள்ளனர். 

சர்வதேச அளவில் பெரிதும் அறியப்பட்ட பிரபல இஸ்லாமிய அறிஞரான கலாநிதி ஸல்மான் அவ்தா, ஜித்தா தஹ்பான் சிறையில் இருந்து றியாத் அல் ஹாயர் சிறைச்சாலைக்கு மாற்றப்பட்டு விசேட இரகசிய நீதிமன்றம் ஒன்றினால் தற்போது விசாரிக்கப்பட்டு வருவதாகவும் அவரின் மீது சுமத்தப்பட்டுள்ள குற்றச்சாட்டுக்களின் விபரம் கூட தெரியாத நிலையில் தனது தந்தை மீது பயங்கரவாத குற்றச்சாட்டுக்கள் சுமத்தப்பட்டு இரகசியமாக விரைவாக விசாரணை இடம்பெற்றுவருவதாக அவரின் மகன் டொக்டர் அப்துல்லாஹ் தெரிவித்துள்ளார்.

ஸல்மான் அவ்தா உட்பட ஏனைய புத்திஜீவிகள், மனித உரிமை செயல்பாட்டாளர்கள் எழுத்தாளர்களை விடுவிக்குமாறு மனித உரிமை செயல்பாட்டாளர்களினால் விடுக்கப்பட்டுவந்த கோரிக்கைகளுக்கு முடிக்குரிய மன்னர் நிர்வாகம் பயங்கரவாத குற்றசாட்டு, இரகசிய விசாரணை, மரணதண்டனை என்ற ஆபத்தான பதில்களை வழங்கிவருவதாக மனித உரிமை செயல்பாட்டாளர்கள் விமர்சங்களை முன்வைத்துள்ளனர். 

சவூதியில் 1956 ஆம் ஆண்டு பிறந்த இஸ்லாமிய அறிஞரான கலாநிதி ஸல்மான் அவ்தா சுமார் 60 வரையான நூல்களை எழுதியுள்ளார், அவற்றுள் ''இfப்பல் லா ஹரஜ்'' (செய், தவறில்லை) மற்றும் ''மஹ்ரகத்துள் இஸ்லாம் வல் இல்மானியா'' (இஸ்லாம் மற்றும் மதச் சார்பின்யின் சமர் ) என்ற நூல்கள் பெரிதும் பிரபல்யமான அவரின் நூல்களில் உள்ளவையாகும், இதில் ''இfப்பல் லா ஹரஜ்'' என்ற நூலில் கலாநிதி ஸல்மான அவ்தா இஸ்லாத்தின் இலகுபடுத்தலின் வகிபாகத்தை சிறப்பாக முன்வைத்திருப்பதாக பாராட்டப்படுகிறார். இவர் சர்வதேச அளவில் செயல்பட்டுவரும் முஸ்லிம் அறிஞர்களுக்கான சர்வதேச ஒன்றியத்தின் உப செயலாளராகவும், மற்றும் ஐரோப்பிய முஸ்லிம் பத்வா கவுன்ஸிலின் உறுப்பினராகவும், குவைத்தில் செயல்பட்டுவரும் அல்நுஸ்ரா என்ற தவ்வா அமைப்பின் இஸ்தாபகராகவும், இஸ்லாம் டுடே என்ற அரபி இணையத்தளத்தின் இயக்குனராகவும் செயல்பட்டுவந்துள்ளார். இவர் 1993 -94 ஆண்டுகால பகுதியில் அமெரிக்கா, இஸ்ரேல் தொடர்பில் சவூதி அறிஞரான பின் பாஸின் பத்வாக்களை விமர்சனத்துக்கு உட்படுத்தியதுடன் அமெரிக்காவுடனான சவூதியின் இராணுவ ஒத்துழைப்பு மற்றும் வெளிநாட்டு கொள்கைகளை கடுமையாக விமர்சனம் செய்தமைக்காக 1994 ஆம் ஆண்டு செம்படம்பர் மாதம் தொடக்கம் ஐந்து ஆண்டுகள் சிறையில் அடைக்கப்பட்டு 1999 ஆம் ஆண்டு பல நிபந்தனைகளுடன் விடுவிக்கப்பட்டார். ஆனால் அவர் அதன் பின்னரும் சவூதின் சூரா கட்டமைப்பு மற்றும் அதன் அரச கொள்கைகள் மற்றும் நடவடிக்கைகளில் இஸ்லாத்தின் விழிமியங்களை முறையாக உள்வாங்குமாறு அழுத்தங்களை முன்வைத்து வந்துள்ளதுடன் தேர்தல் முறையை சவூதி மன்னர் நிர்வாகம் உள்வாங்கவேண்டும் எனவும் கோரிக்கைகளை முன்வைத்துவந்தார், இறுதியாக இவர் கடந்த ஆண்டு 2017 செப்டம்பர் மாதம் பின் ஸல்மான் முடிக்குரிய இளவரசராக நியமனம் பெற்றபின்னர் கைது செய்யப்பட்டார்.

சல்மான் அவ்தாவின் ட்விட்டர் கணக்கில் சுமார் 14.2 மில்லியன் மக்கள் இவரை தொடர்கின்றனர், இவர் கடந்த ஆண்டு கைதுசெய்யப்படும் வரை ட்விட்டர் மூலமாகவும் தனது கருத்துக்களை பதிவுசெய்து வந்தார். இவர் மீதான 37 பயங்கரவாத குற்றச்சாட்டுகளில், இவர் பிரபல இஸ்லாமிய அறிஞரான கலாநிதியூஸுப் அல் கர்ளாவி எழுதிய இரு புத்தகங்களை தனது வீட்டு நூலகத்தில் வைத்திருத்தமையும் ஒன்றாக குறிப்பிடப்பட்டுள்ளதாக இவரின் மகன் அப்துல்லாஹ் வெளியிட்டுள்ள தகவலில் குறிப்பிடப்பட்டுள்ளது. இது தவிர இவர் சர்வதேச இஸ்லாமிய அறிஞர்களுக்கான அமைப்பின் உறுப்பினராக இருக்கின்றமை, ஐரோப்பிய முஸ்லிம்களுக்கான பத்வா சபையில் அங்கத்துவம் பெற்றிக்கின்றமை மற்றும் சமூக வலைத்தளங்களில் கருத்துக்களை வெளியிடுகின்றமை போன்றவை பயங்கரவாத குற்றக்ச்சாட்டுகளாக குறிப்பிடப்பட்டுள்ளது என மகன் தெரிவித்துள்ளார்.

இவருடன் நூற்றுக்கணக்கானவர்கள் கைது செய்யப்பட்டிருந்தனர் இவர்களுள் பிரபல அறிஞர்களான கலாநிதி ஆவாத் அல்-கர்னி, கலாநிதி முஹம்மது மூஸா அல்-ஷரீப், கலாநிதி . ஆதில் பனாயிமா மற்றும் கலாநிதி அலி அல்-அம்ரி ஆகியோர் முக்கிய நபர்களாகும்.

இவர் கைது செய்யப்பட்ட முன்னர் பதிவு செய்திருந்த ட்விட்டர் பதிவுகளில் கட்டார் , சவூதி நாடுகளுக்கு இடையில் நில்லிணக்கம் ஏற்படுத்தப்படவேண்டும் என்ற கோரிக்கைகளை முன்வைத்திருந்தார் என்பது குறிப்பிட்டத்தக்கது, மத்திய கிழக்கில் சவூதி, துபாய், எகிப்து, பஹ்ரைன் ஆகிய நாடுகள் சகோதர முஸ்லிம் நாடான கட்டாருடன் அனைத்து உறவையும் முறித்துகொண்டுள்ளன என்பதுடன் சியோனிச ஆக்கிரமிப்பு இஸ்ரேலுடன் இரகசியமாகவும் பரகசியமாகவும் புதிய உறவுகளை ஏற்றப்படுத்திவருகின்றமை சுட்டிக்காட்டத்தக்கது. சவூதி முடிக்குரிய இளவரசர் பின் ஸல்மான் இஸ்ரேலின் இருப்பை அதன் உரிமையாக அங்கீகரித்துள்ளதுடன் அவற்றுடன் பகிரங்கமாகவும், இரகசியமாகவும் அரசியல், இராஜதந்திர உறவுகளை புதுப்பிக்கும் முயற்சியில் ஈடுபட்டுவருவதாக அரசியல் ஆய்வாளர்கள் சுட்டிக்காட்டுகின்றனர்.

சவூதி மன்னர்களின் ஆளுகைக்குள் இயங்கிவரும் பத்தவா சபையின் தலைவர் முfப்தி பௌசான் சவூதி அரசாங்கத்துக்கு மாறுசெய்பவர்களை கொல்ல முடியும் என முன்னர் தெரிவித்த பத்வா, கைது செய்யப்பட்டு மரண தண்டனையை எதிர்கொள்ளும் குறித்த இஸ்லாமிய அறிஞர்களை கொல்லபோகின்றார்கள் என்பதை உறுதிப்படுத்துவதாக அறபு சமூக வலைத்தளங்களில் கருத்துக்கள் முன்வைக்கப்பட்டு வருகின்றது, வன்முறையற்ற, அமைதியான முறையில் தமது கருத்துக்களை வெளிப்படுத்திவரும் அறிஞர்கள், கல்வியாளர்கள், செயல்பாட்டாளர்கள் மீது அவர்களின் கருத்துக்களுக்காக அவர்களை பயங்கரவாதிகளாக சித்தரித்து அவர்களை கொலைசெய்துவிட முயற்சிப்பது முடிக்குரிய இளவரசர் பின் ஸல்மானின் போலியான சீர்திருத்த கோரிக்கைக்குள் மறைந்திருக்கும் ''பயங்கரவாதத்தை'' வெளிப்படுத்துவதாக சர்வதேச சமூக பொதுவெளியில் கருத்துக்கள் முன்வைக்கப்பட்டுவருகின்றது.

இதேவேளை சல்மான் அவ்தாவின் மகன் அப்துல்லாஹ் தனது தந்தை "சுதந்திரமான" கருத்துக்களை கொண்டிருந்தமை, சவூதி மன்னரின் "அரசாங்கத்தின் ஊதுகுழலாக" செயல்பட மறுத்தமை ஆகிய காரணங்களுக்காக இலக்கு வைக்கப்பட்டுள்ளதாக குற்றம் சாட்டியுள்ளார்.

இதேவேளை அலி அல்-அம்ரிக்கு ஏதிராக 30 பயங்கரவாத குற்றசாட்டுக்கள் சுமத்தப்பட்டுள்ளது. அதில் இவர் சர்வதேச இஸ்லாமிய அறிஞர்களுக்கான அமைப்பின் உறுப்பினராக இருக்கின்றமை குறிப்பிடப்பட்டுள்ளதுடன் சவூதியில் பயங்கரவாத நோக்கில் இளைஞர்களை ஒன்றுகூட்டியதாகவும் குற்றச்சாட்டுகள் முன்வைக்கப்பட்டுள்ளது. .இவர் சவூதியில் பெண்களுக்கு இஸ்லாம் வழங்கியுள்ள உரிமைகளை சவூதி அரசாங்கம் வழங்கவேண்டும் என்ற கோரிக்கைகளை முன்வைத்து வந்தார் என்பது சுட்டிக்காட்டத்தக்கது. வதைமுகாமில் இருந்து மரணமைதானத்துக்கு நகர்த்தப்படும் இஸ்லாமிய அறிஞர்கள், கல்வியாளர்கள், செயல்பாட்டாளர்கள் எண்ணிக்கை வெளிவந்திருக்கும் எண்ணிக்கியை விடவும் பெரியது என்ற கருத்துக்களும் சவூதி மன்னர் நிர்வாகத்துக்கு எதிரான விமர்சன தளங்களில் வெளிப்படுத்தப்பட்டுள்ளது .

இது எஸ்.எம்.மஸாஹிம்(இஸ்லாஹி)- யினால் எழுதப்பட்டு ''எங்கள்தேசம்'' பத்திரிகையில் வெளியான கட்டுரை

Wednesday, 12 September 2018

இரட்டைகோபுர தாக்குதல் எனும் பெயரில், அமெரிக்கா எனும் அரக்கன் காட்டிய திரைப்படம்

இரட்டைகோபுர தாக்குதல் எனும் பெயரில், அமெரிக்கா எனும் அரக்கன் காட்டிய திரைப்படம்

(எம்.ஐ.மொஹம்மட் சப்ஸாத்) பாகிஸ்­தானின் உத­யத்­திற்கு வித்­திட்ட அதன் முதல் கவர்னர் முஹம்­மது அலி ஜின்னா 1948 இல் இதே செப்­டெம்பர் 11 இல் தான் இயற்­கை­யெய்­தி­யி­ருந்தார். தலித்­களின் உரி­மைக்­கு­ர­லாக திகழ்ந்த தலைவர் இம்­மா­னுவேல் சேக­ரனும் 1957 இல் இதே தினத்தில் தான் மர­ணத்தை தழு­வி­யி­ருந்தார். இரு­பத்தி நான்கு மணி­நேர சேவையில் ஈடு­படும் ஜேர்­ம­னியின் முத­லா­வது தமிழ் வானொ­லி­யாக ஐரோப்­பியத் தமிழ் வானொலி 2006 இல் தொடங்­கப்­பட்­டதும் இதே தினத்தில் தான். வர­லாறு இத்­தி­னத்தில் பல சரி­தங்­களை சுமந்­துள்ள நிலை­யிலும் செப்­டெம்பர் 11 என்ற மறு­க­ணமே உள்­ளத்துள் தோன்றி கண்­முன்னே ஓரச்­சத்­து­ட­னான திகிலைக் கொண்­டு­வரும், சம்­பவம் தான் செப்­டெம்பர் 11 அமெ­ரிக்க இரட்டைக் கோபுர தாக்­குதல். 

உலக வர­லாற்றை உற்று நோக்­கும்­போது சில போது­களில் அது சில தனி மனி­தர்­களால் ஒரு புதிய போக்­கிற்­குட்­ப­டுத்­தப்­படும். இன்னும் சில சம்­ப­வங்­களும் அத்­த­கைய புதிய போக்­கினுள் உலக வர­லாற்றை இட்டுச் செல்லும். அத்­த­கைய சம்­ப­வங்கள் வர­லாற்றில் நிகழ்ந்­தே­று­கின்­ற­ போது அவை ஏற்­ப­டுத்­து­கின்ற அதிர்­வ­லைகள் அச்­சம்­ப­வங்­க­ளோடு மாத்­தி­ர­மாக எல்­லைப்­ப­டுத்­தப்­ப­டு­வ­து­மில்லை. பதி­னேழு ஆண்­டுகள் கடந்தும் குறித்த தாக்­குதல் சம்­பவம் இவ்­வு­லக அரங்கில் ஏற்­ப­டுத்­திய அதிர்­வ­லை­களை தணிக்க முடி­ய­வில்லை என்­பதே யதார்த்தம். எனவே அந்த தாக்­கு­தலின் பின்­னணி அது ஏற்­ப­டுத்­திய அதிர்­வ­லை­க­ளி­லி­ருந்து புரிந்­து­கொள்­ளப்­பட வேண்­டி­யதும் அவ­சி­ய­மா­கி­றது.

2001 செப்­டெம்பர் 11, அப்­போது நேரம் காலை 8.46 மணி. உலக வர்த்­தக மையத்தின் வட கோபுரம் தாக்­கப்­ப­டு­கி­றது. தாக்­குதல் அதிர்ச்­சி­யி­லி­ருந்து அந்த சூழல் மீண்­டு­கூட இருக்­க­வில்லை 9.03 மணி­ய­ளவில் தென் கோபுரம் தாக்­கப்­ப­டு­கி­றது. 9.37 மணி­ய­ளவில் பெண்­டகன் தாக்­கப்­பட்ட செய்தி வெளி­யா­கி­றது. 10.03 மணி­ய­ளவில் ஷாங்ஸின் நிலப்­ப­கு­தியில் பிறி­தொரு விமானம் வீழ்­கி­றது. உலகே எதிர்­பார்த்­தி­ராத அமெ­ரிக்கா மீதான அத்­த­கைய தாக்­குதல் ஒரு குறு­கிய நேரத்தில் நிகழ்ந்­தேறி முடி­கி­றது.

2,973 பேர் அளவில் பரி­தா­ப­க­ர­மாக உயி­ரி­ழக்­கின்­றனர். சம்­பவ இடத்தில் 19,435 உடல் பாகங்கள் மீட்­கப்­ப­டு­கின்­றன. 1.4 மில்­லியன் தொன் எடை­யுள்ள குப்பை அங்­கி­ருந்து அகற்­றப்­ப­டு­கி­றது. உலக வர­லாற்றில் இடம்­பெற்ற கோர­மான ஒரு தாக்­குதல் அன்று நொடிப்­பொ­ழு­து­களுள் இடம்­பெற்று முடிந்­தது. தாக்­குதல் இடம்­பெற்று முடிந்­தாலும் அது ஏற்­ப­டுத்­திய தாக்கம் முடி­வற்று தொடர்­கி­றது.

உலகே ஆடிப்­போ­னது; நாமும் தாக்­கப்­ப­டு­வோமோ என்­கிற அச்சம் நாடு­க­ளி­லெல்லாம் குடி­யேற அமெ­ரிக்­காவின் பதி­ல­டியை உலகே எதிர்­பார்த்­தி­ருந்­தது. விசா­ர­ணைகள் ஆரம்­ப­மா­யின; ஒரு தலைப்­பட்ச முடி­வுகள் தீர்க்­க­மா­யின; ஆவ­ணங்­களும் ஆதா­ரங்­களும் சோடிக்­கப்­பட்டு அமெ­ரிக்கா எதிர்­பார்த்­தி­ருந்த ஒரு திட்­டத்­துக்­கான அடிக்கல் நடப்­பட்­டது. எதிரி அறி­விக்­கப்­ப­டு­கிறார். தாக்­குதல் இடம்­பெற்ற சில நாட்­க­ளி­லேயே குறித்த தாக்­கு­த­லுக்­கான உரிமம் உஸாமா பின் லாதீனை தலை­மை­யாகக் கொண்ட அல்­கைதா மீது சுமத்­தப்­பட்­டது.

இங்­கு தான் உலகும் அமெ­ரிக்க குடி­களும் அறி­வைக்­காட்­டிலும் உணர்­வுக்கு முக்­கி­யத்­து­வ­ம­ளிக்கத் துவங்­கி­யி­ருந்­தார்கள். அத்­த­கைய இழப்பை யாராலும் ஜீர­ணிக்க முடி­யாது. ஆனால் அதற்­காக ஓர் அப்­பாவி அழிக்­கப்­ப­டவும் முடி­யாது. தண்­டிப்­பதை விட முக்­கியம், தண்­டனை குற்­ற­வா­ளிக்­குத்தான் அளிக்­கப்படு­கி­றது என்­பதை உறு­திப்­ப­டுத்­து­வது அவ­சியம். உணர்­வுக்கு முக்­கி­யத்­து­வ­ம­ளித்த உலகு அடுத்­த­டுத்து அமெ­ரிக்க ஊட­கங்கள் வெளி­யிட்ட செய்­தி­களில் மட்டும் தங்கி ஒரு வில்­ல­னையும் உரு­வாக்கி அமெ­ரிக்கா போரையும் தொடங்­கி­விடத் துணை நிற்­கி­றது.

செப்­டெம்பர் 11 தாக்­கு­தலைத் தொடர்ந்தே சில கருத்­தா­டல்கள் உலக அரங்கில் மிகப் பிர­மாண்­ட­மான பேசு பொரு­ளாக்­கப்­பட்­டன. ”இஸ்­லா­மிய தீவி­ர­வாதம்", "இஸ்­லா­மிய அடிப்­ப­டை­வாதம்" போன்ற சொல்­லா­டல்­க­ளுக்கு ஊட­கங்­களும் அதிக கரி­சனை காட்டத் தொடங்­கின. அருகில் தாடி­யு­டனோ தொப்­பி­யு­டனோ ஒரு நபரைக் கண்டால் அவரும் அல்­கை­தாவைச் சேர்ந்­த­வ­ரா­கவோ, தீவி­ர­வா­தி­யா­கவோ முஸ்லிம் என்­கிற ஒரு கார­ணத்­திற்­காக அவர் நோக்­கப்­ப­டு­கின்ற ஒரு மாயை உலக அரங்கில் தோற்­று­விக்­கப்­பட்­டதில் செப்­டெம்பர் தாக்­கு­த­லுக்கு உள்ள இடத்தை எந்த ஒன்­றாலும் முந்­தி­விட முடி­யாது.

கலா­சா­ரங்­க­ளுக்­கி­டையே மோதல் இடம்­பெ­றப்­போ­வ­தாக சாமுவேல் ஹன்­டிங்டன் எழுதத் துவங்­கு­கிறார். திரைப்­ப­டங்­க­ளுக்­கெல்லாம் வில்­லன்­க­ளாக ‘கான்'கள் தேர்ந்­தெ­டுக்­கப்­ப­டு­கி­றார்கள். எங்கோ நிகழும் குண்­டு­வெ­டிப்­பு­களும் தாக்­கு­தல்­க­ளிலும் சம்­பந்­த­மே­யில்­லாத அயல்­வீட்டு அப்­துல்­லா­வுக்­குள்ள தொடர்பை துப்­ப­றிய ஏமாந்த சமூகம் மனப்­பி­ரமை கொள்­கி­றது. அங்­கி­ருந்து தொடங்­கிய இத்­த­கைய காட்­சிப்­ப­டுத்­தல்கள் விஸ்­வ­ரூ­ப­மாக இப்­போது வரை உரு­வெ­டுக்கத் தவ­றி­ய­தில்லை.

செப்­டெம்பர் 11 தாக்­குதல் அமெ­ரிக்கா திரைப்­ப­டுத்­திய ஒரு படம். அதன் பின்னால் திரை­யா­னது மாபெரும் திரைக்­கதை என்­கின்ற உண்மை புலப்­பட எடுத்­துக்­கொண்ட நேர இடை­வே­ளைக்குள் அமெ­ரிக்கா தன் வள வேட்­டைக்­கான இர­க­சியத் திட்­டத்தை நிறை­வேற்றி முடித்­தி­ருந்­தது. ’நாயைக் கொல்ல வேண்­டு­மானால் அதற்கு வெறி பிடித்­தது என நம்ப வைக்­க­வேண்டும்' என்­றொரு ஆங்­கில பழ­மொழி கூறு­கி­றது. செப்­டெம்பர் 11 தாக்­குதல் விட­யத்தில் அது மெய்ப்­பிக்­கப்­பட்­டதே உண்மை.

நோம் சோம்ஸ்கி குறிப்­பி­டு­கின்­­ற­போது, “உலக வளங்­களின் மைய­மாக உள்ள மத்­தி­ய­கி­ழக்கின் ஆளு­கையை முதன்­மைப்­ப­டுத்­து­வது மாறி மாறி வரும் அமெ­ரிக்க அதி­கார பீடத்­துக்கு பொது­வான ஒன்று" என அடை­யாளப் படுத்­தி­யுள்ளார். 2003 இல் உலக எண்ணெய் தேவையின் 15% வீதத்தை பூர்த்தி செய்த ஈராக்கின் எண்ணெய் வளத்தை சூறை­யாட 2003 இல் அமெ­ரிக்கா அங்கு தொடங்­கிய போரும் ஈராக்­கிடம் இல்­லாத அணு­வா­யு­தத்தை இருப்­ப­தாகக் கூறி ஐந்து இலட்­சத்­துக்கும் மேற்­பட்ட பிஞ்சு உயிர்­களை சூறை­யாடி, அதன் ஆட்­சி­யாளர் சதாம் ஹுஸைனை முறை­யான குற்ற நிரூ­பித்­த­லு­மின்றி தூக்­கி­லிட்­டதும் இந்த திட்­ட­மிடல் வரி­சையில் இடம்­பெற்­ற­வையே.

ஆப்கான் வளங்­களை சூறை­யாட, அதன் அதி­கா­ரத்தை தன்­ன­கப்­ப­டுத்த அதன் மீது போர் தொடுக்க வேண்­டிய தேவை அமெ­ரிக்­கா­விற்கு இருந்­தது. உலக அரங்கில் ஒரு போர் நிகழ்­வதை உலகு ஏற்க ஒரு காரணம் தேவை­யாக இருந்­தது. அதற்­காக அமெ­ரிக்கா சோடித்த கதை செப்­டெம்பர் தாக்­கு­த­லாக திரைப்­ப­டுத்­தப்­பட்­டது. நய­மான பெயர்­க­ளுடன் நாச­கார பணி­களை முன்­னெ­டுப்­பதில் அமெ­ரிக்­கா­விற்கு நிகர் அமெ­ரிக்­காவே.

அமெ­ரிக்கா தன் எதி­ரி­களை அழிக்க சூட்டும் பெயர், “பயங்­க­ர­வா­த­த்துக்கு எதி­ரான போர்”, உலக எண்ணெய் வளத்தை தன்­ன­கப்­ப­டுத்த “கலா­சா­ரங்­க­ளுக்­கி­டை­யான மோதல்", நாடு­களின் சுதந்­திர ஒடுக்­கலை நிகழ்த்த “சுதந்­தி­ரத்தைப் பாது­காத்தல்", குடி­யேற்ற நாடு­களின் வளங்­களை சூறை­யாட அவர்­களை நாக­ரி­கப்­ப­டுத்தும் போர்­வையில் “வெள்­ளைக்­கா­ரனின் பொறுப்பு" என அமெ­ரிக்கா தன் ஒவ்­வொரு நாச­கார திட்­டத்­துக்­கான நாசூக்­கான பெயரை சூட்டிக் கொண்­டி­ருக்கும்.

அத்­த­கைய வரி­சையில் பயங்­க­ர­வா­தத்­துக்கு எதி­ரான போர் எனும் போர்­வையில் ஆப்­கானை தன்­ன­கப்­ப­டுத்த அமெ­ரிக்க மேற்­கொண்ட சூழ்ச்­சியை ஆதா­ர­பூர்­வ­மாக பல அமெ­ரிக்­கர்­களே நிறு­வி­யு­மி­ருந்­தனர். அமெ­ரிக்க உள்­நாட்டு ஆயுத பாது­காப்புத் துறையில் பணி­யாற்­றிய கேர்ட் செனென்பெல்ட் முன்­வைத்த ஆதா­ரத்­து­ட­னான வாக்கு மூலத்தில் தாக்­கு­த­லுக்கு முற்­கூட்­டியே உலக வர்த்­தக மையத்தில் இருந்த தங்கம், வெள்­ளி­யா­லான பெறு­ம­தி­யான சொத்­துக்கள் அகற்­றப்­பட்­டமை, 6.5 வினா­டி­களில் ஒரு 47 மாடிக்­கட்­டிடம் ஒரு இடத்தில் விமானம் தாக்க ஒரே நேரத்தில் முழு­வதும் தரை­மட்­ட­மா­னமை, அதற்­காக அனைத்து தளங்­க­ளிலும் அமெ­ரிக்க அரசே குண்டு வைத்­தி­ருந்­தமை தொடர்பில் கருத்து வெளி­யிட்­டி­ருந்தார்.

மேலும், டைலன் ஏவரி எனும் ஆய்வு மாணவன் முழு ஆதா­ரங்­க­ளுடன் வெளி­யிட்ட ”லூஸ் சேன்ஞ்ச்" எனும் ஆவ­ணப்­ப­டத்தில் பல கார­ணி­களைக் கொண்டு அது அமெ­ரிக்க சதியே என நிறு­வியே இருந்தார். எந்த வெப்­ப­நி­லை­யிலும் உரு­காத விமான கறுப்புப் பெட்டி எங்கும் இல்­லாமை, தாக்­கு­த­லுக்கு சில வாரங்­க­ளுக்கு முன்­னரே லார்ரி சில்­வெஸ்டைன் எனும் குறித்த கட்­ட­டங்­களை குத்­த­கைக்கு பெற்­றி­ருந்த தொழி­ல­திபர் தீவி­ர­வாத தாக்­கு­த­லுக்­கான காப்­பு­ரிமை பெற்­றி­ருந்­தமை, அர­ச­த­ரப்பு காட்­டிய ஆவ­ணங்­களில் காட்­டிய விமா­னத்தில் முப்­ப­தா­யிரம் அடி உய­ரத்­திற்கு மேல் இருந்து பேசிய சாத்­தி­யமே இல்­லாத தொலை­பேசி உரை­யாடல் என அனைத்து ஆவ­ணங்­க­ளு­டனும் குறித்த தாக்­குதல் அமெ­ரிக்க சதியே என நிறு­வி­யுள்ளார். இன்னும் ஏராளமான அறிக்கைகளும் அது புஷ் தலைமையிலான அரசின் சதியே என்பதை தோலுரித்தன.

அதிகார மோகம், வளச் சுரண்டல் என அமெரிக்கா கொண்ட முதலாளித்துவ வெறி செப்டெம்பர் 11 எனும் திரைப்படத்தை அரங்கேற்ற இந்த உலகு கொடுத்த விலைதான் மிக அதிகம். போலியான காரணத்தை உலகுக்கு காட்டி நயவஞ்கமாக அமெரிக்கா, ஆப்கான் மீது நிகழ்த்திய கோரத் தாக்குதலில் ஐம்பதாயிரத்துக்கும் மேற்பட்ட ஆப்கானியர்கள் கொல்லப்பட்டார்கள்; வளங்கள் சூறையாடப்பட்டன. அன்று தொடங்கிய மேற்கு ஊடகங்கள் இன்றுவரை இஸ்லாமோ போபியா பிரசாரங்களில் ஈடுபட்டுத்தான் வருகின்றன. அமெரிக்க வெறியும் அடுத்து ஈராக்கில் 12 இலட்சம் கொலைகளாக லிபியா, பாலஸ்தீன், சிரியாவாக இடங்கள் மத்திய கிழக்கை சூறையாடிய வண்ணம் தான் உள்ளன. செப்டெம்பர் 11 அமெரிக்க இரட்டை கோபுர தாக்குதல் எனும் பெயரில் அமெரிக்கா எனும் அரக்கன் காட்டிய திரைப்படம் திரைக்குப்பின் ஒரு திரைக்கதையுடன் தொடங்கிய வெறிகொண்ட வேட்டையின் கறுப்புத் துவக்கம்.
-Vidivelli

Monday, 10 September 2018

பாம்புக் கடித்தால் மூடநம்பிக்கைகளை நாடாதீர்கள் (இலங்கையில் நடந்த உண்மைச் சம்பவம்)

பாம்புக் கடித்தால் மூடநம்பிக்கைகளை நாடாதீர்கள் (இலங்கையில் நடந்த உண்மைச் சம்பவம்)

(Dr. M.J.M.Suaib)ஒப்பாரிச் சத்தத்தோடு 50 வயது மதிக்க ஆண் ட்ரொலியில் கொண்டு வரப்பட்டார். இறந்து விட்டதை உறுதிப்படுத்தி விட்டோம். இனி எதைச் செய்தாலும் எழப்போவதில்லையென்பது உறுதியானதால், மரண பரிசீலனைக்கு உத்தரவிடப்பட்டது.

வயலில் வேளாண்மை வேலை செய்து கொண்டிருக்கையில் காலில் ஒரு திடீர் வலியேற்பட்டுத் திரும்பிப்பார்க்க ஒரு பாம்பு விலகிப் போய்க் கொண்டிருந்தது. அருகிலிருந்தோர் சேர்ந்து அப்பாம்பை அடித்துக் கொன்று, அதையும் எடுத்துக் கொண்டு பாம்புப் பரிகாரியிடம் போக... பரிகாரியோ அவரின் வித்தையைக் காட்டிவிட்டார்.

அப்பாம்பு விசப்பாம்பு என்பதால் விசத்தை உறிஞ்சும் கல்லைக் கடிபட்ட இடத்தில் வைத்து அவ்வளவு விஷத்தையும் உறிஞ்சி எடுத்துவிட்டு கூடவே பணத்தையும் உறிஞ்சு விட்டு, இனி பயப்பட வேண்டியதில்லை, எல்லா விஷத்தையும் எடுத்து விட்டேன் என்று வீட்டுக்கு அனுப்பி வைத்தார். விஷத்தையும் பணத்தையும் உறிஞ்சவர் இவரது உயிரையும் உறிஞ்சுவார் என அவர்கள் சிறிதும் நினைக்கவில்லை...

வீட்டுக்குப் போகையிலேயே சிற்சில உடல் மாற்றங்கள் ஏற்படத்துவங்கியும் அவர்கள் அதைப் பொருட்படுத்தவில்லை. ஏனெனில் அந்தளவு அந்தப் பரிசாரி மேல் நம்பிக்கை...

நேரஞ் செல்லச்செல்ல கண்களை முழுமையாகத் திறக்க முடியாமலும் மூச்செடுக்க முடியாமலும் அவதிப்பட, வைத்தியசாலை ஞாபகத்தில் வந்தது.

வைத்தியசாலைக்கு வரும்போதே உயிர் பிரிந்து விட்டது. இறந்த உடலையும் இறந்த பாம்பையும் தான் எங்களால் காண முடிந்தது!

கொண்டு வந்த பாம்பு, புடையன் பாம்பு என்றழைக்கப்படும் Russels viper (கண்ணாடி விரியன்/තිත් පොළගා) ஆகும். இது மிகவும் விஷமான பாம்புகளிலொன்று.

கடித்த பாம்பு விஷப்பாம்பென இனங்கண்டு கொண்டாலோ கடிபட்ட பின்னர் விஷம் உடலில் ஏறியமைக்கான அறிகுறிகள் தென்பட்டாலோ அல்லது விஷமேறியமைக்கான மாற்றங்கள் இரத்தப் மரிசோதனை மூலம் கண்டறியப்பட்டாலோ உடன் அவ்விஷத்தை நடுநிலைப்படுத்த ஊசி மருந்தேற்றப்படும். கடிபட்ட நேரத்திலிருந்து எவ்வளவு சீக்கிரம் இம்மருந்து கொடுக்கப்படுகிறதோ அதன் பெறுபேறும் மிக நல்லதாகவேயிருக்கும். எனவே கூடிய சீக்கிரம் இம்மருந்து ஏற்றப்படல் நல்லது.

இலங்கையில் பிரதான விஷப்பாம்புகள் பின்வருவன.
1. Cobra- நல்லபாம்பு
2. Russels viper - கண்ணாடி விரியன்(புடையன் பாம்பு)
3. Common krait- 
4. Ceylon krait- 
5. Saw scaled viper-
6. கடற்பாம்புகள்.
பாம்பு கடித்து விஷம் உடலுக்குள் பாய்ச்சப்பட்டிருப்பின் பின்வரும் பொதுவான மாற்றங்களை உடல் வெளிக்காட்டும்.
கடித்த அடையாளங்கள் (இரண்டு),
கடித்த இடத்தில் வலியோடு வீக்கமும் சிவப்பு நிறமாதலும்,
பார்வை மங்குதலும் இமைகளை முழுமையாகத் திறக்க முடியாமையும்,
மூச்சுத்திணறல், 
வாந்தியும் வயிற்று வலியும்,
தானாக இரத்தம் வெளியேறல்(உ-ம்: சிறுநீருடன்),
அதிகம் வியர்த்தல்,
இரத்த அழுத்தம் குறைதல்.
இவை பொதுவான அறிகுறிகளாகும், இவற்றில் சில அறிகுறிகள் சில பாம்புகளுக்கு மட்டுமே உரியனவாகவும் உள்ளன.

பாம்புக்கடி ஏற்பட்டால் உடன் நீங்கள் செய்ய வேண்டியவை;
  1. கடிபட்ட இடத்தை நன்கு ஓடும் நீரில் கழுவ வேண்டும்.
  2. கடிபட்ட இடத்துக்கு மேல் (உ-ம்: காலை) இருகக்கட்டக் ""கூடாது"".
  3. கடிபட்ட இடம் முடியுமான வரை உடலிலிருந்து கீழ் மட்டத்தில் வைக்கப்படல் வேண்டும்.
  4. கடிபட்ட இடத்தில் வாயை வைத்து (விஷத்தை நீக்க) உறிஞ்சக் கூடாது.
  5. கடிபட்டவரை நடக்க/அசைய விடாது ஓய்வாக இருக்க விடல்.
  6. வைத்திய அனுமதியின்றி எம்மருந்தையும் கொடுக்கக் கூடாது.
  7. உடனடியாக அருகிலுள்ள வைத்தியசாலைக்குக் கொண்டு செல்லல்.
முடியுமானால் கடித்த பாம்பையும் கொண்டு போதல் வேண்டும். ஏனெனில் விஷப்பாம்பு தான் கடித்தது எனில் உடல் மாற்றங்கள் வருமுன்னமே உரிய மருந்து கொடுக்கப்படும். 

சிலரது கொள்கைப்படி அவர்கள் பாம்பைக் கொள்வதை விரும்பாவிடின், கடித்த பாம்பின் புகைப்படத்தையாவது எடுத்து வைத்தியரிடம் காட்டுதல் உதவியாக இருக்கும்.

பாம்புகளுக்கு எங்களால் ஏதேனும் இடையூறு ஏற்படின் மாத்திரமே அவை கடிக்கும் என்பது ஏற்றுக் கொள்ளப்பட்டவொன்று!

விஷத்தை உறிஞ்சும் கல் பற்றி கருத்து வேறுபாடுகள் இருப்பினும் இச்சம்பவத்தைக் கருத்தில் கொண்டு, கல்லை மறந்து விட்டு வைத்தியசாலையை நினைப்பதே சாலச்சிறந்தது.

Dr.M.J.M.Suaib 
Base Hospital Wathupitiwala 
09/09/2018.

Saturday, 8 September 2018

 கேள்விக்குறியாகும் தர்ஹா நகர், கல்வியியற் கல்லூரியின் எதிர்காலம்!

கேள்விக்குறியாகும் தர்ஹா நகர், கல்வியியற் கல்லூரியின் எதிர்காலம்!

-ஹெட்டி ரம்ஸி, அல்லையூரான் – ஸமா

இலங்கையில் காணப்படுகின்ற பத்தொன்பது கல்வியியற் கல்லூரிகளுள் முஸ்லிம் பெண்களுக்கான ஒரு கல்வியியற் கல்லூரியாக காணப்படுவது அளுத்கமை, தர்ஹா நகரில் அமைந்துள்ள தர்ஹா நகர் தேசிய கல்வியியற் கல்லூரியாகும். இது 1941ம் ஆண்டு சேர் ராஸீக் பரீட், டொக்டர் எம்.சி. கலீல் ஆகியோரின் முயற்சியினால் உருவாக்கப்பட்டதோடு இதற்கான ஐந்து ஏக்கர் காணியும் தர்ஹா நகரைச் சேர்ந்த ஐ.எப்.எம்.மஹ்மூத் என்ற முஸ்லிம் தனவந்தர் ஒருவரினாலேயே வழங்கப்பட்டுள்ளது.

இக்கல்லூரியானது 1941 தொடக்கம் 1957 வரை 16 வருடங்கள் முஸ்லிம் ஆண்களுக்கான ஆசிரிய பயிற்சியை வழங்கியது. பின்னர் முஸ்லிம் பெண்களுக்கான ஆசிரிய பயிற்சிக் கலாசாலையாக உருவாக்கப்பட்டு தொடர்ந்து 60 வருடங்களுக்கு மேலாக இன்று வரை பெண்களுக்கான ஒரு தனியான கல்லூரியாக இயங்கி வருகின்றது.

இக்கல்லூரியானது கடந்த 2001ம் ஆண்டு கொண்டு வரப்பட்ட ஆசிரிய பயிற்சிக் கலாசாலைகளை மூடும் திட்டத்தின் அடிப்படையில் 16 ஆண்டுகளுக்கு முன்னர் தர்ஹா நகர் தேசிய கல்வியியற் கல்லூரியாக மாற்றம் பெற்றது. மாற்றம் பெற்றதிலிருந்து கடந்த 2015ம் ஆண்டு வரை திருமதி. நூறுல் ஹாரிஜா, யூ.எல். புஹாரி, பீ.றிஸ்வி ஆகிய முஸ்லிம் பீடாதிபதிகளே கடமையாற்றியுள்ளனர். 2015ம் ஆண்டு தொடக்கம் திரு.அறிவழகன் என்ற தமிழ் சகோதரருக்கு பீடாதிபதி பதவி மாற்றப்பட்டுள்ளது.

இங்கு சேவையாற்றுகின்றவர்களில் பீடாதிபதி, மற்றும் கல்விப் பிரிவுக்கு பொறுப்பானவர் சகோதர தமிழ் சமயத்தை சார்ந்தவர்களாகவும், ஆரம்பப் பிரிவுக்கு பொறுப்பானவர் முஸ்லிமாகவும் காணப்படுவதுடன், ஒன்பது முஸ்லிம் விரிவுரையாளர்களும், தமிழ் விரிவுரையாளர்கள் நான்கு பேரும், சிங்கள விரிவுரையாளர் ஒருவருமாக மொத்தம் 18 விரிவுரையாளர்கள் கடமையாற்றி வருகின்றனர். இதில் மூன்று பேர் இவ்வருடம் நியமிக்கப்பட்டவர்களாவர்.

இந்த கல்வியியற் கல்லூரிக்கு 27 விரிவுரையாளர்களின் தேவை காணப்படுகின்ற அதே வேளை 15 விரிவுரையாளர்களே இதுவரை காலமும் கடமையாற்றி வந்துள்ளனர். இதில் கல்வியமைச்சோ, கல்விக் கல்லூரி கிளையோ, அரசியல்வாதிகளோ ஏன் பாராமுகமாக இருக்கின்றார்கள்? இது முஸ்லிம்களை பெரும்பான்மையாக கொண்ட கல்லூரியின் மீது கொண்ட காழ்புணர்வா என்ற சந்தேகம் வலுக்கிறது.

முஸ்லிம் மாணவிகளை பெரும்பான்மையாக கொண்டதாக இக் கல்லூரி காணப்பட்ட போதிலும் இங்கு கடமையாற்றுகின்ற விடுதிப் பொறுப்பாளர்கள் மூவரும் சிங்கள சமூகத்தை சார்ந்தவர்களாக காணப்படுவதனால் மாணவிகள் தங்களுடைய தேவைகளை தெரிவிப்பதிலும், பெற்றுக் கொள்வதிலும் சிரமங்களை எதிர்கொள்கின்றனர்.

இக் கல்லூரியில் காணப்படுகின்ற கற்கை நெறிகளை அவதானிக்கும் போது, இது கல்வியியற் கல்லூரியாக ஆரம்பிக்கப்பட்ட போது காணப்பட்ட ஆரம்பக் கல்வி, தமிழ், மனைப்பொருளியல் ஆகிய கற்கை நெறிகளே இன்று வரை காணப்படுகின்றது. இப்பகுதியில் காணப்படுகின்ற பாடசாலைகளில் உள்ள ஆசிரியர் வெற்றிடங்களின் அடிப்பைடையில் இஸ்லாம், கணிதம், விஞ்ஞானம், தகவல் தொழிநுட்பம் போன்ற எந்த ஒரு கற்கை நெறிகளும் அறுபது வருட கால வரலாற்றைக் கொண்ட இக்கல்லூரியில் ஆரம்பிக்கப்படவில்லை. இதில் முஸ்லிம் தலைமைகள் கூட பாரா முகமாக இருப்பது துரதிஷ்டமாகும்.

குறிப்பாக இஸ்லாம் பாடநெறியினை நோக்குகையில் இஸ்லாம் பாடநெறிக்காக வருடாந்தம் 20 பேர் அளவிலான பயிலுநர்களே அட்டாளைச்சேனை கல்வியியற் கல்லூரிக்கு உள்ளீர்க்கப்படுகின்றார்கள். இது நாட்டில் நிலவுகின்ற இஸ்லாம் பாட ஆசிரியர் வெற்றிடத்தை முழுமையாக பூர்த்தி செய்வதாக இல்லை. கடந்த வருட கணக்கெடுப்பின்படி களுத்துறை வலயத்தில் மாத்திரம் 24 இஸ்லாம் பாட ஆசிரியர் வெற்றிடங்கள் காணப்படுவதாக தெரிவிக்கப்படுகின்றது. இவ்வாறிருக்கையில் இக்கல்லூரியில் இஸ்லாம் கற்கை நெறியையாவது ஆரம்பித்து மாணவர்களை இணைப்பதற்கு இன்னும் சிந்திக்கத் தொடங்காமலிருப்பது ஆச்சரியமானது.

இன்றைய நவீன உலகில் தகவல் தொழிநுட்பம் இன்றியமையாதது என்பது சொல்லி விளங்க வேண்டியதில்லை. ஆனால் இக்கல்லூரியில் தகவல் தொழிநுட்ப பாடம் இருந்தும் அதனை கற்பிப்பதற்கு விரிவுரையாளர்கள் இல்லை, கணனி கூடத்திலுள்ள ஒரு சில கணணிகள் மாத்திரமே இயங்குநிலையில் உள்ளது. இதனால் மாணவிகள் பெரும் அசௌகரியங்களை எதிர்நோக்குகின்றனர். இதன் நிலை ஒரு பாடசாலையை விடவும் பரிதாபகரமாக காணப்படுகின்றது எனலாம்.

இக்கல்லூரியில் 300க்கும் மேற்பட்ட பயிலுநனர்கள் கற்கை நெறிகளை தொடர்ந்து வருகின்ற நிலையில் இவர்களுக்கான விடுதி வசதிகள் இன்னும் முழுமையாக பூர்த்தி செய்யப்படவில்லை. தற்போதும் கூட முன்னர் சாப்பாட்டறையாக பயன்படுத்தப்பட்ட கட்டிடமொன்று விடுதியாக்கப்பட்டுள்ளடன், அதில் மலசல கூட, குளியலறை வசதிகள் கூட இல்லாமல் காணப்படுகின்றது. இதனால் இரவு வேளைகளில் அவசர தேவைகளுக்கும் மற்றைய விடுதிகளுக்கு செல்ல வேண்டிய நிலையில் மாணவிகள் உள்ளனர். இது ஒரு பாதுகாப்பற்ற விடுதியாகவும் காணப்படுகின்றது.

இங்கு காணப்படுகின்ற விரிவுரையாளர் விடுதிகள், நிருவாக கட்டிடங்கள், மாணவர் விடுதிகள் யாவும் ஆசிரிய கலாசாலை ஆரம்பிக்கப்பட்ட காலத்தில் நிர்மாணிக்கப்பட்ட கட்டிடங்களாகவே காணப்படுகின்றது. பல வருடங்களுக்குப் பின் கடந்த வருடம் மாத்திரமே விடுதி, வகுப்பறைக்கான இரு மாடிக் கட்டிடங்கள் இரண்டு வழங்கப்பட்டுள்ளது. இதுவும் கல்லூரியின் தேவையான அளவை பூர்த்தி செய்வதாயில்லை.

இக் கல்லூரியிலுள்ள மாணவிகளுக்கான தனியான நூலக வசதிகள் இல்லை, இருக்கின்ற நூலகம் ஆசிரிய கலாசாலை கட்டிடத்திலேயே அமைந்துள்ளதால் நூல்களை பெறுவதில் மாணவிகள் பெருமளவில் கஷ்டங்களை எதிர்நோக்கி வருகின்றனர். அதே போன்று வகுப்பறை வசதிகளும் சீரற்றுக் காணப்படுவதுடன் ஆரம்பகால தளபாடங்களே இன்னும் பயன்படுத்தப்படுகின்றது.

மேலும் இந்த கல்வியியற் கல்லூரியில் காணப்படுகின்ற பிரதான பிரச்சினைகளுள் ஒன்றாக குடிநீர் தட்டுப்பாடு மற்றும் பாவிக்கின்ற நீர் அசுத்தமாக காணப்படுகிறது. இங்கு அடிக்கடி தண்ணீர் தட்டுப்பாடு ஏற்படுவதுடன், கடந்த வருடத்தில் நீர் பிரச்சினையால் பல மாணவிகள் நோய்த் தொற்றுக்குள்ளாகி வைத்தியசாலையில் அனுமதிக்கப்பட்டிருந்தமையும் குறிப்பிடத்தக்கது.

கல்லூரியைச் சுற்றிக் காணப்படுகின்ற கல்லூரி வளாகம் முழுவதும் பற்றைக் காடுகள் வளர்ந்து காணப்படுவதால் விஷப்பாம்புகளின் புளக்கம் அதிரித்துள்ளது. சென்ற வருடம் ஒரு மாணவி விஷப்பாம்புக்கடிக்கு உள்ளாகி நாகொடை வைத்தியசாலையில் அனுமதிக்கப்பட்டிருந்தார். பணியாளர்கள் இருந்தும் இதற்கு இதுவரை சரியான நடவடிக்கை எடுக்கப்படவில்லை.

இக் கல்விக் கல்லூயில் கடமையாற்றுகின்ற விரிவுரையாளர்கள் சிலர் முறையற்ற விதத்தில் கதைப்பதனால் மாணவிகள் மிகுந்த மன உளைச்சலுக்கு உள்ளாக்கப்படுவதாகவும் தெரிவிக்கப்படுகின்றது. இவர்கள் மாணவிகளின் சிறிய பிரச்சினைகளையும் பெரிதுபடுத்தி ஏனைய மாணவிகளின் முன் வைத்து தகாத வார்த்தை பிரயோகங்களை மேற்கொள்வதாகவும் குறிப்பிடப்படுகின்றது.

அது மட்டுமல்லாது மாணவிகள் விடுமுறை பெறுகின்ற போது சிலருக்கு விசேட சலுகைகள் வழங்கப்படுவதுடன் இதற்கு சில விரிவுரையாளர்கள் ஒத்துழைப்பு வழங்குவதாகவும் தெரிவிக்கப்படுகின்றது.

இவ்வாறு பல்வேறு வகையிலும் பின்தங்கிய நிலையில் காணப்படும் இக்கல்லூரியின் இந்நிலைக்கு இங்கு சேவையாற்றுகின்ற ஒரு சிலரும் காரணமென்று விமர்சிக்கப்படுகின்றது. அதிலும் குறிப்பாக இக்கல்லூரியின் பிரதி பீடாதிபதியாக கடமையாற்றுபவர் இக் கல்லூரியில் பிரதி பீடாதிபதியாகவும், ஆசிரியர் பயிற்சி நிலையத்தின் முகாமையாளராகவும் பணியாற்றி வருவதாக தெரிவிக்கப்படுன்றது. ஒரே நேரத்தில் இரு வேறு சேவையில் இருக்கும் இவர் தமக்கு ஏற்றாற் போன்று கல்லூரியை வழிநடாத்துவதுடன் பல செயற்றிட்டங்களுக்கு தடையாக இருப்பதாகவும் பலராலும் விமர்சிக்கப்படுகின்றது.

இது இவ்வாறிருக்க இக்கல்லூரியினுடைய இன்றைய நிலையை நோக்கும் போது கேட்பதற்கு நாதியற்ற, அநாதரவான நிலையிலேயே காணப்படுகின்றது எனலாம். இக்கல்லூரியானது உருவாக்கப்படும் போது இதில் முஸ்லிம் பெண்கள் 80 வீதமும், தமிழ் பெண்கள் 20 வீதமும் உள்வாங்கப்பட வேண்டுமென அறிக்கையிடப்பட்டிருந்தது. அதிலும் குறிப்பாக தென் மாகாணம், மேல் மாகாணம் ஆகியவற்றில் காணப்படுகின்ற தமிழ் இனத்தை இணைக்க வேண்டுமென குறிப்பிடப்பட்டிருந்தது. எனினும் இந்நிலை தற்போது தலைகீழாக மாறியுள்ளது.

ஸ்ரீ பாத தேசிய கல்வியியற் கல்லூரிக்கு 90 வீதமான தோட்டப்புற மாணவர்கள் உள்வாங்கப்படுகின்ற அதே வேளை தர்ஹா நகர் கல்வியியற் கல்லூரிக்கும் உள்வாங்கப்படுகின்றார்கள், அதே போன்று ஏனைய பிரதேசங்களிலிருந்தும் தமிழ் மாணவிகள் உள்வாங்கப்படுவதால் முஸ்லிம் பயிலுநர்களின் உள்ளீர்ப்பு வீதம் குறைவடைந்து அவர்கள் பெரிதும் பாதிக்கப்பட்டுள்ளார்கள்.

இந்நிலை தொடர்ந்து கொண்டே செல்லுமாக இருந்தால் தர்ஹா நகர் தேசிய கல்வியியற் கல்லூரி என்பது பெயரளவில் மாத்திரமே இருக்கும். எதிர்காலத்தில் இக் கல்லூரியின் இருப்பு என்பது கேள்விக்குறியாகி விடுமென்பதில் எவ்வித ஐயமுமில்லை. எனவே அரசியல் தலைமைகளும், புத்திஜீவிகளும், சமூக ஆர்வலர்களும் காத்திரமான தீர்வொன்றினை பெறுவதற்கான முன்னெடுப்புக்களை மேற்கொள்ள வேண்டும். இது எம் எதிர்கால சமூகத்திற்கு செய்யும் மிகப் பெரும் தொண்டாக அமையுமென்பது திண்ணம்.

Saturday, 23 June 2018

ஞானசாரரை விடுதலை செய்வதில் ஜனாதிபதிக்கு ஏன் இவ்வளவு அக்கரை?

ஞானசாரரை விடுதலை செய்வதில் ஜனாதிபதிக்கு ஏன் இவ்வளவு அக்கரை?

ஞானசார தேரருக்கு ஜனாதிபதியின் அதி விசேட அதிகாரத்தின் மூலம் பொது மன்னிப்பு வழங்குவதற்கான ஏற்பாடுகள் நடைபெறுவதாக அமைச்சரவையின் பேச்சாளரும் அமைச்சருமான ராஜித சேனாரத்ன குறிப்பிட்டுள்ளார்.

நீதி மன்ற அவமதிப்பு வழக்கில் கடூழிய சிறை தண்டனை பெற்றுள்ள ஒருவருக்காக தமது விசேட அதிகாரத்தை பயன்படுத்த ஜனாதிபதி எத்தனிப்பது ஏன்? என்பதே தற்போதுள்ள மில்லியன் டாலர் கேள்வியாகும்.

நாட்டின் அமைதிக்கு பெரும் குந்தகம் விலைவித்தது மாத்திரமன்றி பல இனவாத செயல்பாடுகளில் குற்றம் சாட்டப்பட்டுள்ள ஞானசாரர் மீது நல்லாட்சி அரசின் ஜனாதிபதிக்கு ஏன் இவ்வளவு பாசம் என்பதே முக்கிய சந்தேகமாகவுள்ளது.

முஸ்லிம்களுக்கு எதிராக நடைபெற்ற அண்மைக் கால கலவரங்களில் அளுத்கமை கலவரம் தொடர்பாக இவர் மீது சுமார் 40க்கும் மேற்பட்ட குற்றச்சாட்டுக்கள் பதிவு செய்யப்பட்டுள்ளமை கவனிக்கத்தக்கதாகும்.

ஞானசாரர் மீது அதிக பாசம் செலுத்த முனையும் இந்த அரசாங்கம் ஏன் இதற்கு முன்னால் சிறை தண்டணை அனுபவித்து வரும் 15 பவுத்த பிக்குகள் மற்றும் கிருத்தவ, இந்து, முஸ்லிம் சமுதாயத்தை சேர்ந்த 03 மதகுருக்கள் மீது பாசம் காட்ட முன்வரவில்லை?

சட்டம் அனைவருக்கும் சமமானது என்று பேசும் ஜனாதிபதி, சட்ட பீடமான நீதி மன்றத்தையே அவமதித்தவருக்கு பொது மன்னிப்பு வழங்க முனைவது எவ்வகை நியாயமோ?

அப்படியானால் இதே போல் நீதி மன்ற அவமதிப்பு வழக்கு விசாரனையில் தொடர்பு பட்டுள்ள அமைச்சர் ரன்ஜன் ராமனாயக்கவுக்கும் அடுத்ததாக பொது மன்னிப்பு வழங்கப்படுமா? 

இப்படி பல கேள்விகள் இந்த விவகாரத்தில் எழாமல் இல்லை.

எது எப்படியோ பூனைக் குட்டி தொடர்ந்து வெளியில் பாய்ந்து கொண்டு தான் இருக்கிறது.

பொது பல சேனாவை நாய்க் கூண்டில் அடைப்பேன் என்ற முஸ்லிம்களின் சகோதரி (?) சந்திரிக்கா எங்கிருக்கிறாரோ? 

இனவாதத்தை தூண்டுகிறார், முஸ்லிம்களை அழிக்க துடிக்கிறார் என்று ஞானசாரரை சாடிய நம் முஸ்லிம் தலைமைகள் இன்று மட்டும் ஏனோ வாய் திறக்காமல் மவுனம் காக்கிறார்கள்?

தேசிய அரசியலில் என்றைக்கும் கருத்துரைக்காமல் முஸ்லிம் பகடைக் காய் அரசியலை மாத்திரமே முன்னிருத்தி வரும் முஸ்லிம் அரசியல் தலைமைகளின் இந்நிலை காலத்தால் அழியாத வடுவென்பதில் ஐயமில்லை.

நாங்கள் ஆட்சிக்கு வந்தால் அளுத்கமை கலவரத்திற்கு நீதி கிடைக்கும்.

கலவரக்காரர்கள் சட்டத்தின் முன் நிறுத்தப்பட்டு தண்டிக்கப்படுவார்கள்.

பாதிக்கப்பட்டவர்களுக்கு உரிய நஷ்டஈடு கிடைக்கும்.

என்றெல்லாம் இவர்கள் கொடுத்த வாக்குறுதிகள் கொஞ்சமா?

இவர்கள் கொடுத்த வாக்குறுதிகள் எல்லாம் பாராளுமன்றத்திற்கு முன்னால் அடித்த காற்றுடன் பரந்து போனதுதான் உண்மை.

தேடிச் சென்று நலம் விசாரிக்கும் பாசமிக்க அமைச்சர்கள்.

நீதி மன்ற அவமதிப்பு வழக்கில் கைதாகி சிறை சென்றுள்ள ஞானசாரரை சிறைச்சாலைக்கே நேரில் சென்று நலம் விசாரித்து வந்துள்ளார் ஜனாதிபதியின் கட்சியின் தேசிய அமைப்பாளரும் நல்லாட்சி (?) அரசாங்கத்தின் அமைச்சருமான துமிந்த திசானாயக்க.

அது மாத்திரமன்றி வெள்ளிக்கிழமைக்குள் ஞானசாரரை வெளியில் எடுப்பதற்கு அரசாங்கம் முயற்சிப்பதாகவும் ஊடகங்களுக்கு கருத்து வெளியிடும் போது அவர் தெரிவித்துள்ளார்.

ஞானசாரர் நீதி மன்ற அவமதிப்பு வழக்கில் தண்டனை பெற்றதற்கே ஆடிப்போன இந்த அரசாங்கமும், இதிலுள்ள அமைச்சர்களும் தான் முஸ்லிம்களுக்கு எதிரான இனவாத தாக்குதல்களுக்காக குற்றவாளிகளுக்கு தண்டனை பெற்றுத்தரப் போகிறார்களா? இனியும் இதனை நாம் நம்பித்தான் ஆகவேண்டுமா?

இன்றைக்கு சிறை தண்டனை பெற்றுள்ள ஞானசாரரை தேடிச் சென்று நலம் விசாரிக்கும் ஜனாதிபதியின் கட்சியை சேர்ந்தவர்கள் இதற்கு முன்னர் தண்டனை பெற்று சிறையில் இருக்கும் 18 மத குருக்களில் எவரையும் சென்று நலம் விசாரிக்க வில்லையே ஏன்? 

தாம் ஆட்டிய பொம்மை என்பதினால் தாங்க முடியாத பாசம் வெளிப்படுகிறது இதுவே யதார்த்தமானது.

கடந்த ஆட்சியில் ஆட்டம் போட்ட ஞானசாரரை மஹிந்த ஆட்டு வித்தார் என்றால் இந்த ஆட்சியிலும் அதை விட அதிக ஆட்டம் போட்டார் ஞானர். 

இந்த ஆட்சியில் ஞானசாரரை ஆட்டுவிப்பது யார்? என்ற விடை தெரியா கேள்விக்கு தற்போதைய நல்லாட்சி (?) அரசாங்கம் தாமே தம் நடத்தை மூலம் பதிலளித்துக் கொண்டிருக்கிறது என்பதையும் நாம் புரிந்து கொள்ள வேண்டும்.

நாம் இனியும் அவதானமற்றிருக்கலாமா?
--------------

வேகமாக ஓடும் ரயிலைப் பார்த்து வெற்று வயலில் நின்று கத்தும் எறுமைகளாக இறாமல்... சுற்றும் முற்றும நம்மைச் சுற்றி நடக்கும் சூழ்ச்சிகளை அடையாளம் கண்டு எதிர்கால அரசியலை மிகச் சரியாக முடிவெடுக்கும் வகையிலான செயல்திட்டங்களை முஸ்லிம் சமுதாயம் மேற்கொள்ள வேண்டிய தருணம் இருதான்.

குழந்தையையும் கிள்ளி விட்டு தொட்டிலையும் ஆட்டி விடும் அசகாய அரசியலை முன்னெடுக்க முனையும் ஜனாதிபதியும் நல்லாட்சி (?) அரசாங்கமும் இனியும் இனவாதத்தின் பெயர் சொல்லி முஸ்லிம்களை ஏமாற்ற நினைத்தால் அது நரி சாப்பிட முயன்ற திராட்சையாக மாறிவிடும் என்பதை நினைவில் கொள்ள வேண்டும்.

-ரஸ்மின் MISc