Showing posts with label India. Show all posts
Showing posts with label India. Show all posts

Sunday, 22 July 2018

 இலங்கை பெண்ணின் உள்ளாடையில், பல லட்சம் மதிப்பிலான தங்கம்!

இலங்கை பெண்ணின் உள்ளாடையில், பல லட்சம் மதிப்பிலான தங்கம்!

தமிழ்நாட்டிற்கு சுற்றுலாப்பயணியாக வந்த இலங்கை பெண் உள்ளாடைகளில் தங்க செயின் மற்றும் தங்ககட்டிகளை மறைத்து வைத்திருந்ததால் அவர் உடனடியாக கைது செய்யப்பட்டுள்ளார். இலங்கையின் கொழும்புவிலிருந்து லங்கன் ஏர்லைன்ஸ் விமானம் நேற்று காலை 08.45 மணிக்கு சென்னை சர்வதேச விமானநிலையத்திற்கு தரையிறங்கியுள்ளது.

அந்த விமானத்தில் இலங்கையைச் சேர்ந்த கோமளா என்ற 30 வயது மதிக்கத்தக்க பெண் சுற்றுலாப்பயணியாக சென்னைக்கு சென்றுள்ளார். குறித்த விமானத்தில் வந்த பயணிகளை சுங்க அதிகாரிகள் சோதனை செய்த போது, கோமளாவின் உடைமைகளை சோதனை செய்துள்ளனர். ஆனால் அதில் எதுவும் சிக்கவில்லை. இருப்பினும் அதிகாரிகளுக்கு கோமளாவின் மீது சந்தேகம் ஏற்பட்டுள்ளதால், சுங்கத்துறை பெண் அதிகாரிகள் மூலம், அவரை தனி அறைக்கு அழைத்துச் சென்று சோதனை செய்யப்பட்டுள்ளது.


அப்போது கோமளாவின் உள்ளாடைகளில் புத்தம் புதிய தங்க செயின் மற்றும் 12 தங்க கட்டிகளை மறைத்து வைத்திருந்தது கண்டுபிடிக்கப்பட்டது. இதன் மொத்த எடை 645 கிராம் எனவும், அதன் சர்வதேச மதிப்பு 19 லட்சம் ரூபாய் எனவும் அதிகாரிகள் கூறியுள்ளனர். மேலும் கோமளாவை கைது செய்துள்ள பொலிசார் அவரிடம் தொடர்ந்து விசாரணை மேற்கொண்டு வருகின்றனர்.

Monday, 16 July 2018

ஒடும் ரயிலில் பெண்ணுக்கு நடந்த பிரசவம்! கைத்தட்டி உற்சாகம் செய்த பயணிகள்

ஒடும் ரயிலில் பெண்ணுக்கு நடந்த பிரசவம்! கைத்தட்டி உற்சாகம் செய்த பயணிகள்

மும்பை அருகே, ரயிலில் பயணம் செய்துகொண்டிருந்த பெண்ணுக்கு இரட்டைக் குழந்தைகள் பிறந்துள்ள சம்பவம் ஆச்சர்யத்தை ஏற்படுத்தியுள்ளது.

மும்பையைச் சேர்ந்தவர் ஷேக் சல்மா தபசம் (30). எல்.டி.டி- விசாகப்பட்டினம் விரைவு தொடர்வண்டியில் பயணம்செய்துகொண்டிருந்தார். மும்பை அருகே ரயில் சென்றபோது, சல்மா தபத்துக்கு திடிரென பிரசவ வலி ஏற்பட்டது. அருகிலிருந்த பயணிகள் செய்வதறியாது திகைத்தனர்.

பிரசவ வலியால் பெண் ஒருவர் துடித்துக்கொண்டிருக்கிறார் என்ற தகவலையறிந்த நீலம் குப்தா, சுரேகா கதம், என்ற இரண்டு பெண் காவலர்கள், அந்தப் பெண்ணுக்கு ரயிலிலேயே பிரசவம் பார்த்துள்ளனர்.

இதையடுத்து அந்தப் பெண்ணுக்கு இரட்டைக் குழந்தைகள் பிறந்துள்ளன. இதையறிந்த பயணிகள், உற்சாகத்தில் கைத்தட்டி ஆரவாரம் எழுப்பினர். மும்பை அருகே தொடர்வண்டி நிறுத்தப்பட்டு, அந்தப் பெண் அருகிலிருந்த மருத்துவமனையில் சேர்க்கப்பட்டார். தாயும், சேய்களும் நலமுடன் உள்ளதாக மருத்துவர்கள் தெரிவித்தனர்.

ரயிலில் பெண்ணுக்குப் பிரசவம்பார்த்த காவலர்களுக்கு பாராட்டுகள் குவிகின்றன. ஓடும் ரயிலில் நடந்த இந்தப் பிரசவம் அனைவரையும் ஆச்சர்யத்தில் ஆழ்த்தியுள்ளது.

Sunday, 15 July 2018

கேரளா - கொசின் விமான நிலையத்தில் ஒடுபாதையை விட்டு விலகிய கத்தார் எயார்வெய்ஸ்!

கேரளா - கொசின் விமான நிலையத்தில் ஒடுபாதையை விட்டு விலகிய கத்தார் எயார்வெய்ஸ்!

கத்தார் எயார்வெய்ஸ் விமானச் சேவைக்குச் சொந்தமான QR516 விமானம் ஓடுபாதையை விட்டு விலகியச் சென்ற சம்பவம் ஒன்று கேரளா - கொசின் விமான நிலையத்தில் கடந்த வெள்ளிக்கிழமை பதிவாகியுள்ளது. கேரளாவில் பெய்த கடும் மழையினால் இது நடைபெற்றுள்ளதாகவும் தெரிவிக்கப்பட்டுள்ளது. இதன் காரணமாக விமான நிலையத்தில் ஓடுதளத்தில் உள்ள சில விளக்குகள் சேதமாகியுள்ளன. 

இந்த நிகழ்வைத் தொடர்ந்து விமானம் கத்தாரை நோக்கிப் பறப்பது கைவிடப்பட்டதோடு, அதனைத் தொடர்ந்து பறக்க இருந்த விமானமும் இரத்துச் செய்யப்பட்டது. பயணிகள் அனைவரும் உரிய தங்குமிடவசதிகள் வழங்கப்பட்டு பின்னர் பாதுகாப்பான முறையில் உரிய இடங்களுக்கு அனுப்பி வைக்கப்பட்டதாக கத்தார் எயார் வெய்ஸ் நிர்வாகம் தெரிவித்துள்ளது.

Wednesday, 27 June 2018

பெண்களுக்கு மிகவும் ஆபத்தான நாடுகளின் பட்டியலில் டிஜிட்டல் இந்தியா முதலிடம்!

பெண்களுக்கு மிகவும் ஆபத்தான நாடுகளின் பட்டியலில் டிஜிட்டல் இந்தியா முதலிடம்!

பெண்களுக்கு மிகவும் ஆபத்து நிறைந்த நாடுகளின்பட்டியலில் இந்தியா முதலிடம் பிடித்துள்ளது. அண்மையில் மேற்கொள்ளப்பட்ட கருத்துக்கணிப்பின் மூலம் இந்த விடயம்தெரியவந்துள்ளது. 

உலகளவில் பெண்களுக்கு எதிரான பாலியல்வன்கொடுமைகள் அதிகரித்து வரும் நிலையில்,பாலியல் ரீதியாக பாதிக்கப்பட்டவர்கள் தங்களுக்குநேர்ந்த கொடுமைகளை பகிர்ந்துகொள்வதற்காககடந்த ஒக்டோபர் மாதம் ட்விட்டரில் ‘Me Too’ என்றதலைப்பில் விழிப்புணர்வு பிரசாரம்ஆரம்பிக்கப்பட்டது.

ஹொலிவுட் சினிமா தயாரிப்பாளர் ஹார்வேவின்ஸ்டீன் மீது தொடர்ந்து பாலியல்குற்றச்சாட்டுகள் வெளியானதையடுத்து,ஹொலிவுட் நடிகை அலிசா மிலானோ இந்தபிரசாரத்தை ஆரம்பித்து வைத்தார்.

‘Me Too’என்ற தலைப்பின் கீழ் பல்வேறு பிரபலங்கள்தங்கள் அனுபவங்கள், தங்களுக்கு ஏற்பட்டபாதிப்புகள் குறித்து பதிவு செய்தனர்.
இந்த பிரசாரம் வைரலாக பரவிய நிலையில்,பெண்களுக்கு ஆபத்தான நாடுகள் குறித்துஉலகளாவிய வல்லுநர்கள் கொண்ட குழுகருத்துக்கணிப்பு நடத்தியது.

இந்த கருத்துக்கணிப்பு முடிவுகள் இன்றுவெளியிடப்பட்டுள்ளன. இதில் உலகிலேயேபெண்களுக்கு மிகவும் ஆபத்தான நாடாக இந்தியாபட்டியலிடப்பட்டுள்ளது. போரினால் கடுமையாகப் பாதிக்கப்பட்டுள்ளஆப்கானிஸ்தான் இரண்டாம் இடத்தில் உள்ளது. சிரியாவும் அமெரிக்காவும் மூன்றாமிடத்தில்உள்ளன.

சோமாலியா, சவுதி அரேபியா அடுத்தடுத்தஇடங்களில் உள்ளன.இந்தியாவில் பெண்களுக்குஎதிரான குற்றங்களைக் குறைப்பதற்கும், பெண்கள்எதிர்கொள்ளும் ஆபத்துகளை சமாளிப்பதற்கும்போதுமான நடவடிக்கைகள் எடுக்கப்படவில்லை என்பதையே இந்த கருத்துக்கணிப்பு முடிவுகள்காட்டுவதாக வல்லுநர்கள் தெரிவித்துள்ளனர்

Thursday, 14 June 2018

 பேஸ்புக்கினால் பரிதாபமாக போன 2 உயிர்கள் - இந்தியாவில் நடந்த சோகச் சம்பவம்!

பேஸ்புக்கினால் பரிதாபமாக போன 2 உயிர்கள் - இந்தியாவில் நடந்த சோகச் சம்பவம்!

இந்தியாவில் மனைவி பேஸ்புக்குக்கு அடிமையானதால் ஏற்பட்ட சண்டையில் கணவனும், மனைவியும் தூக்கிட்டு தற்கொலை செய்து கொண்டுள்ளனர். கர்நாடக மாநிலத்தின் பெங்களூரை சேர்ந்தவர் அனூப் (28). இவர் மனைவி சவுமியா (23). தம்பதிக்கு இரண்டு வயதில் ஆண் குழந்தை உள்ளது.

இந்நிலையில் சமூகவலைதளமான பேஸ்புக்கில் எந்நேரமும் மூழ்கியிருப்பதை சவுமியா வழக்கமாக கொண்டுள்ளார். இதனால் கணவன், மனைவியிடையே அடிக்கடி சண்டை ஏற்பட்டுள்ளது.

இரு தினங்களுக்கு முன்னர் மீண்டும் இது தொடர்பாக கணவன் மனைவியிடயே தகராறு ஏற்பட்டது. அப்போது சவுமியாவின் சகோதரர் ரவிச்சந்திராவுக்கு போன் செய்த அனூப் நடந்த விடயங்களை கூறி சவுமியாவை அவர் வீட்டுக்கே அழைத்து செல்லும்படி கூறியுள்ளார்.

இதையடுத்து அனூப்பை சமாதானம் செய்த ரவிச்சந்திரன் காலையில் வந்து இது குறித்து நேரில் பேசுவதாக கூறினார். பின்னர் காலையில் அனூப் வீட்டுக்கு ரவிச்சந்திரன் வந்த போது உள்பக்கமாக பூட்டியிருந்தது.

சந்தேகமடைந்த அவர் பொலிசுக்கு தகவல் கொடுத்த நிலையில் வீட்டுக்கு வந்த பொலிசார் கதவை உடைத்து பார்த்தனர். அப்போது உள்ளே அனூப்பும், சவுமியாவும் தனித்தனியறையில் தூக்கில் சடலமாக தொங்கியுள்ளனர். இருவரின் சடலத்தையும் கைப்பற்றிய பொலிசார் சம்பவம் குறித்து விசாரித்து வருகிறார்கள்.