Friday, 19 July 2019

நியூஸிலாந்து பள்ளிவாசலில் கொல்லப்பட்டவர்களின் உறவுகள் ஹஜ் செய்ய சவுதி மன்னர் ஏற்பாடு!

நடப்பு 2019 வருடம் மார்ச் 15 ஆம் தேதியன்று நியூஸிலாந்து நாட்டின் கிறைஸ்ட்சர்ச் நகரின் 2 மஸ்ஜிதுகளில் வெள்ளிக்கிழமை ஜும்ஆ தொழுகைக்கு கூடியிருந்த முஸ்லீம்கள் மீது வலதுசாரிகள் எனப்படும் மதத்தீவிரவாதிகள் நடத்திய துப்பாக்கிச் சூட்டில் 51 பேர் ஷஹீதானார்கள் மேலும் சுமார் 49 பேர் பலத்த காயமடைந்தனர் என்பதையும் அறிவோம்.

இத்துயர சம்பவத்தில் உயிரிழந்தவர்களின் இரத்த உறவுகள் சுமார் 200 பேரை சவுதி மன்னரின் விருந்தினர்கள் என்ற திட்டத்தின் கீழ் ஹஜ் செய்திட சவுதி மன்னர் ஸல்மான் அவர்களின் சொந்த செலவில் ஹஜ் கடமைகளை நிறைவேற்றிட வாய்ப்பு வழங்கப்பட்டுள்ளது.

இதற்கான நடவடிக்கைகளை உடனே துவங்குமாறு நியூஸிலாந்தில் உள்ள சவுதி தூதரக அதிகாரிகளுக்கு உத்தரவிடப்பட்டுள்ளதுடன் ஹஜ்ஜிற்கான வாய்ப்பு பயங்கரவாத வாதத்தால் உயிரிழப்புகளை சந்தித்த உறவுகளுக்கு மன ஆறுதலாக அமையும் என நம்பிக்கை தெரிவிக்கப்பட்டுள்ளது.

இத்துடன் வழமைபோல் 2000 பாலஸ்தீன உயிர் தியாகிகளின் உறவினர்களும், 72 உலக நாடுகளிலிருந்து 1300 பேரும் மன்னரின் சார்பாக இவ்வருடம் ஹஜ் கடமையை நிறைவேற்றவுள்ளனர்.

Source: Saudi Gazette
தமிழில்: நம்ம ஊரான்

Author: verified_user

0 comments: