Wednesday, 17 July 2019

ஹஜ், உம்ரா யாத்ரீகர்கள் சவுதி முழுவதும் சென்றுவர அனுமதிக்க முடிவு!

இதுவரை ஹஜ், உம்ரா போன்ற புனித கடமைகளை நிறைவேற்ற செல்லும் புனிதப்பயணிகள் புனித மக்கா, புனித மதினா மற்றும் ஜித்தா ஆகிய 3 நகரங்களுக்குள் மட்டுமே சென்றுவர அனுமதிக்கப்பட்டிருந்தனர், இம்மூன்று நகரங்களையும் தவிர்த்து சவுதியின் பிற இடங்களுக்குச் செல்வது குற்றமாக கருதப்பட்டு நடவடிக்கைகள் எடுக்கப்பட்டு வந்தன.

இந்நிலையில், நேற்று சவுதி மன்னர் சல்மான் அவர்கள் தலைமையில் அல் ஸலாம் அரண்மனையில் நடைபெற்ற அமைச்சரவை கூட்டத்தில் இனி ஹஜ், உம்ரா பயணிகள் புனித மக்கா, புனித மதினா, ஜித்தா மட்டுமின்றி சவுதியின் பிற நகரங்களுக்கும் சென்றுவர அனுமதிப்பது என்றும் தீர்மானிக்கப்பட்டது. இது விரைவில் சட்டமாகி நடைமுறைக்கு கொண்டு வரப்படும்.

மேலும், இந்த வருடம் முழுவதும் சுமார் 8 மில்லியன் யாத்ரீகர்கள் புனித உம்ராவை நிறைவேற்றியுள்ளனர் என்றும் இவ்வருடம் சுமார் 2 மில்லியன் புனித யாத்ரீகர்கள் புனித ஹஜ் கடமையை நிறைவேற்றவுள்ளனர் என்றும் தெரிவிக்கப்பட்டது.

Source: Saudi Gazette
தமிழில்: நம்ம ஊரான்

Author: verified_user

0 comments: