Sunday, 24 March 2019

இலங்கையில் செயற்படும் ஹஜ் முக­வர்­கள் சிலரின், நாசகாரச் செயல்

இவ்­வ­ரு­டத்­துக்­கான ஹஜ் ஏற்­பா­டு­களை முன்­னெ­டுப்­ப­தற்கு முஸ்லிம் சமய பண்­பாட்­ட­லு­வல்கள் திணைக்­க­ளத்­தினால் நிய­மனம் பெற்ற ஹஜ் –முக­வர்­களில் சிலர் போலி­யான பெயர்­களில் விண்­ணப்­பங்­களைச் சமர்ப்­பித்து ஊழல் நட­வ­டிக்­கை­களில் ஈடு­பட்­டி­ருப்­பது முஸ்லிம் சமய பண்­பாட்­ட­லு­வல்கள் திணைக்­க­ளத்­தினால் கண்­டு­பி­டிக்­கப்­பட்­டுள்­ள­தாகத் தெரி­வித்த அரச ஹஜ் குழுவின் உறுப்­பி­னரும், அமைச்சர் ஹலீமின் பிரத்­தி­யேக செய­லா­ள­ரு­மான எம்.எச்.எம்.பாஹிம் அது உறுதி செய்­யப்­பட்டால் சம்­பந்­தப்­பட்ட ஹஜ் முக­வர்­களின் அனு­ம­திப்­பத்­திரம் உட­ன­டி­யாக ரத்துச் செய்­யப்­படும் எனக் கூறினார்.

இவ்­வ­ரு­டத்­துக்­கான ஹஜ் ஏற்­பா­டுகள் தொடர்பில் கருத்து தெரி­விக்­கை­யி­லேயே அவர் இவ்­வாறு கூறினார். அவர் தொடர்ந்தும் கருத்து தெரி­விக்­கையில்

‘சில ஹஜ் முக­வர்கள் போலி­யான பெயர்­களில் பதி­வு­களை மேற்­கொண்டு அதற்­கான பதிவுக் கட்­ட­ணத்­தையும் செலுத்தி இவ்­வ­ருட ஹஜ் கட­மைக்­காக தெரிவு செய்­யப்­ப­டாத விண்­ணப்­ப­தா­ரி­களை அழைத்துச் செல்­வ­தற்­கான முயற்­சி­களில் ஈடு­பட்­டி­ருக்­கி­றார்கள். அதற்­காக கூடு­த­லான கட்­ட­ணங்­களைக் கோரி வரு­வ­தா­கவும் முறைப்­பா­டுகள் கிடைக்­கப்­பெற்­றுள்­ளன.

ஹஜ் முக­வர்­களின் இவ்­வா­றான ஊழல்கள் நிரூ­பிக்­கப்­பட்டால் அவர்­க­ளுக்கு எதி­ராக கடு­மை­யான நட­வ­டிக்கை எடுப்­ப­தற்குத் தீர்­மா­னிக்­கப்­பட்­டுள்­ளது. அவர்­க­ளது இவ்­வ­ருட ஹஜ் அனு­ம­திப்­பத்­திரம் ரத்துச் செய்­யப்­ப­ட­வுள்­ளது.

உப முக­வர்கள்

ஹஜ் கட­மைக்­காக தெரிவு செய்­யப்­பட்­டுள்ள ஹஜ் விண்­ணப்­ப­தா­ரிகள் உப முக­வர்­க­ளூ­டாக ஹஜ் முக­வர்­க­ளு­ட­னான ஒப்­பந்­தங்­களைச் செய்து கொள்­ளவோ அல்­லது கட­வுச்­சீட்­டுக்­களை உப­மு­க­வர்­க­ளிடம் ஒப்­ப­டைக்­கவோ கூடாது என அரச ஹஜ் குழு வேண்­டுகோள் விடுக்­கி­றது.

2017 ஆம் ஆண்டு ஹஜ் யாத்­தி­ரைக்கு பதுளை மாவட்­டத்­தி­லி­ருந்து தெரிவு செய்­யப்­பட்­டி­ருந்த விண்­ணப்­ப­தா­ரி­களில் 12 பேர் தங்­க­ளது கட­வுச்­சீட்­டுக்­களை உப முக­வர்­க­ளிடம் ஒப்­ப­டைத்து ஒப்­பந்­தங்­களைச் செய்து கொண்­டி­ருந்­ததால் அவர்­களால் ஹஜ் கட­மையை நிறை­வேற்ற முடி­யாமற் போனது.

ஹஜ் கட்­டணம்

இவ்­வ­ருடம் இலங்கை ரூபாவின் பெறு­மதி குறைந்­துள்­ள­தாலும், சவூதி அரே­பி­யாவில் வற்­வரி அற­வி­டப்­ப­டு­வ­தாலும் ஹஜ் கட்­ட­ணங்கள் அதி­க­ரித்­துள்­ளன. அரச ஹஜ் குழு மேற்­கொண்ட ஆய்­வு­களின் படி 6 இலட்­சத்து 50 ஆயிரம் ரூபா­வுக்கு மேற்­பட்ட கட்­ட­ணங்கள் ஹஜ் முக­வர்­களால் வழங்­கப்­பட்­டாலே அவர்­களால் சகல வச­தி­க­ளையும் உள்­ள­டக்­கிய சிறந்த சேவையை வழங்க முடியும்.

சில ஹஜ் முக­வர்கள் ஹஜ் கட்டணமாக 6 இலட்சம் ரூபா குறிப்பிட்டிருந்தாலும் அவர்களால் குறிப்பிட்டளவு வசதிகளையே வழங்க முடியுமாக இருக்கும்.

இந்நிலையில் ஹஜ் பயணிகள் தாம் பயணம் மேற்கொள்வதற்கு தெரிவு செய்யும் முகவர் நிலையங்களுடன் சவூதியில் ஹோட்டல் மற்றும் வசதிகள் தொடர்பாக ஒப்பந்தங்களைச் செய்துகொள்ள வேண்டும் என்றார்.

Author: verified_user

0 comments: