Tuesday, 7 August 2018

சவுதி உள்நாட்டு யாத்ரீகர்களுக்கான அனுமதி ஆகஸ்ட் 18 வரை நீடிப்பு!

ஹஜ் அமைச்சகத்தின் ஈ-போர்ட்டல் வழியாக உள்நாட்டு ஹஜ் யாத்ரீகர்களிடமிருந்து விண்ணப்பம் பெறுவது எதிர்வரும் ஆகஸ்ட் 18 ஆம் தேதி வரை தொடரும் என்றும் இது சம்பந்தமாக வதந்தி பரப்புவோர் கண்டுபிடிக்கப்பட்டு தண்டிக்கப்படுவார்கள் என்றும் ஹஜ் மற்றும் உம்ராவிற்கான அமைச்சர் முஹமது சலேஹ் பென்தன் அவர்கள் தெரிவித்தார்.

உள்நாட்டு தனியார் ஹஜ் ஏற்பாட்டாளர்கள் வசம் அவர்களுக்கான இடங்களை மினாவில் குடிகள் அமைக்க ஓதுக்கியதுடன் அமைக்கப்பட்ட குடில்களுக்கான அங்கீகாரத்தை ஹஜ் அமைச்சகத்திடம் ஆகஸ்ட் 7 ஆம் தேதிக்குள் பெற்றுக் கொள்ளுமாறு அறிவுறுத்தப்பட்டுள்ளதையும் அமைச்சர் நினைவுகூர்ந்தார்.

இதுவரை சுமார் 216,000 பட்ஜெட் மற்றும் வசதி கூடுதல்கள் உடைய இடங்கள் உள்நாட்டு சேவையில் இன்னும் நிரம்பாமல் உள்ளன. முன்பதிவு, கட்டணம் கட்டுதல் மற்றும் ஹஜ் பெர்மிட்டுகள் வழங்குதல் ஆகியவை ஈ-போர்ட்டல் எனும் ஆன்லைன் வழியாக உடனுக்குடன் நடைபெற்று வருகின்றன எனவும் தெரிவிக்கப்பட்டுள்ளதுடன் மதினா சர்வதேச விமான நிலையத்திற்கு தினமும் சராசரியாக 85 முதல் 90 வரையிலான விமானங்கள் ஹஜ் யாத்ரீகர்களை சுமந்து வருகின்றன.

Source: Saudi Gazette
தமிழில்: நம்ம ஊரான்

Author: verified_user

0 comments: