Friday, 22 June 2018

சவூதியில் அனல் பறக்கும் வெயில் - 3 மாத கட்டாய மதிய நேர ஓய்வு சட்டம் அமல்!


சவுதியிலும் 3 மாத கட்டாய மதிய நேர ஓய்வு சட்டம் அமுலுக்கு வந்தது

வளைகுடா பிராந்தியத்தில் தற்போது சூரியன் சுட்டெரிக்கும் கடும் கோடைகாலமாகும். சுமார் 50 டிகிரி செல்ஷியஸ் வரையும் அதற்கு மேலும் தகிக்கக்கூடிய சூழல் உள்ளதாலும், இந்த கடும் வெப்பத்தில் திறந்தவெளியில் பணியாற்றுவதென்பது இயலாத காரியம் என்பதாலும் உச்சிவெயில் தகிக்கும் நேரத்தில் கட்டாய ஓய்வு வழங்கப்பட்டு வருவதன் அடிப்படையில் சவுதியிலும் 3 மாத கட்டாய பகல்கால ஓய்வு அறிவிக்கப்பட்டுள்ளது.

பகல் 12 மணிமுதல் பிற்பகல் 3 மணிவரை தினமும் 3 மணிநேரம் ஜூன் 15 முதல் செப்டம்பர் 15 ஆம் தேதி வரை தொழிலாளர் மற்றும் சமூக மேம்பாட்டுக்கான அமைச்சகத்தின் இந்த உத்தரவு அமுலில் இருக்கும் என்றாலும் வெயில் தகிக்காத சவுதி அரேபியாவின் சில பகுதிகளுக்கு மட்டும் இந்த உத்தரவு பொருந்தாது எனவும் இதுகுறித்து தீர்க்கமான முடிவு எடுக்க சம்பந்தப்பட்ட கவர்னரேட்டுகளுடன் பேசி அறிவிக்கப்படும் என தெரிவிக்கப்பட்டுள்ளது.

மதிய நேர கட்டாய ஓய்வு வழங்கும் உத்தரவை மீறுவோர் மீது குறைந்தது 3,000 முதல் 10,000 சவுதி ரியால்கள் வரை அபராதம் விதிக்கப்படுவதுடன் சம்பந்தப்பட்ட நிறுவனங்களை தற்காலிகமாக 30 நாட்களுக்கு மூடப்படும். இத்தடை உத்தரவை மீறுபவர்களை காணும் பொதுமக்களும் இன்ன பிறரும் என்ற @MLSD_care டிவிட்டர் கணக்கில் புகார் தெரிவிக்கலாம்.

Source: Gulfinsider
தமிழில்: நம்ம ஊரான் 

Author: verified_user

0 comments: