Thursday, 14 June 2018

சவுதியில் புனித ரமலான் 27 ஆம் இரவில் மக்கா, மதீனாவில் 20 லட்சத்திற்கும் மேற்பட்டோர் குவிந்தனர் (படங்கள்)

புனிதமிகு ரமலான் மாதத்தில் தான் புனிதமிகு திருக்குர்ஆன் முதன்முதலாக இறங்கத் துவங்கியது. அல் குர்ஆன் இறங்கிய இந்த இரவை லைலத்துல் கத்ர் எனும் சிறப்புமிகு இரவாக அல்லாஹ் வழங்கியுள்ளதுடன் இந்த இரவை 1,000 மாதங்களைவிட சிறந்த இரவாகவும் இதில் நின்று வணங்கி பாவ மன்னிப்பு தேடுவோருக்கு பன்மடங்கு நற்கூலிகளை வழங்குவதாகவும் அல்லாஹ் கூறியுள்ளான்.

இந்த இரவு ரமலானின் கடைசி 10 இரவுகளில் வரும் ஒற்றைப்படை இரவுகளான 21, 23, 25, 27, 29 ஆகிய ஏதோவொன்றில் மறைந்திருப்பதாகவும் இந்த இரவுகளில் அதிகமதிகம் வணக்கவழிபாடுகளில் ஈடுபட்டு நன்மைகளை அடைந்து கொள்ளுமாறு ஏக இறைவனின் தூதரான நபி முஹமது (ஸல்) அவர்களும் ஆர்வமூட்டியுள்ளார்கள்.

இந்த அடிப்படையில் கடந்த 27 ஆம் இரவு அன்று புனிதமிகு பள்ளிகளான மக்கா மற்றும் மதினாவின் பள்ளிகளில் சுமார் 2 மில்லியனுக்கு மேற்பட்ட மக்கள் இரவு முழுவதும் தொழுகைகளிலும், பிரார்த்தனைகளிலும், பாவமன்னிப்பு தேடுவதிலும், குர்ஆன் ஓதுவதிலும், திக்ரு செய்வதிலும் ஈடுபட்டனர். எங்கெங்கும் மக்கள் வெள்ளத்தால் நிரம்பியிருந்த இருபள்ளிகளிலும் போதிய பாதுகாப்பு ஏற்பாடுகள் செய்யப்பட்டிருந்தன.

Source: Saudi Gazette
தமிழில்: நம்ம ஊரான்







Author: verified_user

0 comments: