Sunday, 8 April 2018

பிரித்தானிய ராணி, முஹம்மது நபியின் வம்சாவளியா..? மொராக்கோ நாளேடு ஆய்வறிக்கை!

பிரித்தானிய ராணி எலிசபெத் முஹம்மது நபியின் வம்சாவளி என வரலாற்று ஆய்வாளர்களின் புதிய ஆய்வறிக்கை ஒன்று பரபரப்பை கிளப்பியுள்ளது. இது தொடர்பாக வரலாற்று ஆய்வாளர்கள் பிரித்தானிய ராணி எலிசபெத்தின் 43 தலைமுறையினரை ஆய்வுக்கு உட்படுத்தி உள்ளனர். முதன் முறையாக இந்த விவகாரம் தொடர்பில் கடந்த 1986 ஆம் ஆண்டு ஆய்வறிக்கை ஒன்று வெளியிடப்பட்டது. 

ஆனால் பலரும் மறந்திருந்த குறித்த தகவல் தொடர்பில் மொராக்கோ நாளேடு ஒன்று சமீபத்தில் ஆய்வறிக்கை ஒன்றை வெளியிட்டுள்ளது. அதில், பிரித்தானிய ராணி இரண்டாம் எலிசபெத் 14 ஆம் நூற்றாண்டில் வாழ்ந்த Earl of Cambridge என்பவருக்கு ரத்த உறவு என்பதும், முஹம்மது நபியின் மகள் பாத்திமாவுக்கு ரத்த உறவு என்பதும் குறிப்பிடப்பட்டுள்ளது. 

ஆனால் இந்த ஆய்வறிக்கையை சில வரலாற்று ஆய்வாளர்கள் ஏற்றுக் கொள்ள மறுத்தாலும், மரபு வழி பதிவுகளை சுட்டிக்காட்டி எகிப்தின் முன்னாள் grand mufti Ali Gomaa ஒப்புதல் அளித்துள்ளார். பிரித்தானிய ராணி இரண்டாம் எலிசபெத்தில் உடம்பில் ஓடும் ரத்தம் முஹம்மது நபியினுடையது என்பது பிரித்தானியாவில் ஒரு சில பேருக்கே தெரிந்த ரகசியம்,

இது அங்குள்ள இஸ்லாமியர்கள் அனைவரும் பெருமைப்படக் கூடிய விடயம் எனவும் குறித்த ஆய்வறிக்கையை வெளியிட்ட நிறுவனத்தின் இயக்குநர் தெரிவித்துள்ளார். 

மட்டுமின்றி, 11 ஆம் நூற்றாண்டில் ஸ்பெயின் நாட்டின் Seville பகுதியை ஆட்சி செய்த இஸ்லாமிய இளவரசி Zaida-ன் நேரடி உறவினர் தான் பிரித்தானியாவின் இரண்டாம் எலிசபெத் ராணி எனவும் அந்த ஆய்வில் குறிப்பிடப்பட்டுள்ளது. 

இளவரசி Zaida பின்னர் கிறிஸ்தவ மதத்திற்கு மாறினார். Seville அரசர் Al-Mu'tamid ibn Abbad என்பவரின் நான்காவது மனைவி தான் இந்த இளவரசி Zaida. இவர்களது மகன் Sancho-ன் நேரடி உறவினர் ஒருவர் 11 ஆம் நூற்றாண்டில் Earl of Cambridge-ஐ மணந்து கொண்டார்.
 
இந்த ஆய்வறிக்கையை பெரும்பாலான பிரித்தானியர்கள் ஏற்றுக் கொள்ள மறுப்பு தெரிவித்தாலும், குறித்த ஆய்வானது இஸ்லாம் மற்றும் கிறிஸ்தவ மதங்களையும் பிரித்தானியாவையும் இணைக்கும் பாலம் என மொராக்கோ ஆய்வாளர்கள் தெரிவிக்கின்றனர்.

Author: verified_user

0 comments: