Friday, 9 March 2018

அமீரகத்தில் சலுகை, விழிப்புணர்வு வீடியோ எடுங்க! தள்ளுபடி பெறுங்க!

அமீரகம், ராஸ் அல் கைமா போக்குவரத்து போலீஸ் புதிய அதிரடி சலுகையை வெளியிட்டுள்ளது. சிறு போக்குவரத்து விதிமீறல் குற்றங்களுக்காக அபராதம் கட்ட வேண்டியுள்ளதா? அதை முழுமையாக தள்ளுபடி செய்ய வேண்டுமா? உங்கள் மொபைல் போனில் 1 நிமிடங்களுக்கு மிகாத போக்குவரத்து விதிகளை மதிப்பதன் அவசியத்தை உணர்த்தும் விழிப்புணர்வு குறும்படம் ஒன்றை எடுத்து வாட்ஸப் மூலம் பரப்புவதுடன் 056-524580 என்ற இந்த நம்பருக்கும் அனுப்புங்கள்.

சிறந்த விழிப்புணர்வு வீடியோ கவுரவிக்கப்படுவதுடன் அவரது சிறு குற்றங்களுக்கான போக்குவரத்து அபராதமும் முழுமையாக தள்ளுபடி செய்யப்படும். போக்குவரத்து விதிமீறல் குற்றங்களில் ஈடுபடாத பொதுவானவர்களும் வீடியோவை அனுப்பலாம். அதிகாரிகளின் பரிசீலணைக்குப் பின் சிறந்த விழிப்புணர்வு வீடியோக்கள் தேர்வு செய்யப்பட்டு அறிவிக்கப்படும். பெரும் விதிமீறல் குற்றங்களில் ஈடுபட்டவர்களுக்கு இச்சலுகை பொருந்தாது.

இந்த விழிப்புணர்வு வீடியோவை விதிமீறலில் ஈடுபட்டு அபராதம் விதிக்கப்பட்ட 10 நாட்களுக்குள் எடுத்து அனுப்ப வேண்டும். இந்த வீடியோக்கள் மூலம் குறைந்தது 5 வயது சிறார்கள் முதல் பெரியவர்கள் வரை பயன்படும் வகையிலான நல்வாக்குகள் எடுத்துச் சொல்லப்படுவதுடன் குறைந்தது 5 பேராவது திருந்தி போக்குவரத்து விதிகளை கடைபிடிக்க முன்வரும் வகையில் அதன் உள்ளடக்கம் வலிமையாக அமைந்திருக்க வேண்டும் என வழிகாட்டப்பட்டுள்ளது.

Source: Khaleej Times / Msn
தமிழில்: நம்ம ஊரான்

Author: verified_user

0 comments: