Tuesday, 13 March 2018

இலங்கைக்கு ஐ.நா.சபை விடுத்துள்ள முக்கியமான கோரிக்கை!

இலங்கையில் சுதந்திரமாக இணையத்தளங்களுக்கு பிரவேசிக்க அனுமதிக்கப்பட வேண்டும் என்றுஐக்கிய நாடுகள் சபை தெரிவித்துள்ளது.

ஐக்கிய நாடுகளின் பேச்சாளர் ஸ்டெஃபன் டுஜாரிக், நியுயோர்க்கில் உள்ள ஐக்கியநாடுகளின் தலைமையகத்தில் நடைபெற்ற நாளாந்த செய்தியாளர் சந்திப்பில் வைத்து இதனைக்குறிப்பிட்டுள்ளார்.

ஐக்கிய நாடுகளின் அரசியல்துறை பிரதானி ஜெஃப்ரி ஃபெல்ட்மன் தமது 3 நாட்களுக்கானவிஜயத்தை கடந்த ஞாயிற்றுக்கிழமை நிறைவு செய்திருந்தார்.

அவர் இலங்கையில் விதிக்கப்பட்டுள்ள சமூக வலைத்தளங்களுக்கான தடைகள் குறித்து அவதானம்செலுத்தினாரா? என்று செய்தியாளர்கள் ஐக்கிய நாடுகளின் பேச்சாளரிடம் கேள்விஎழுப்பினர்.

ஆனால் இதுகுறித்த விபரங்கள் தமக்கு கிடைக்கவில்லை என்று குறிப்பிட்ட பேச்சாளர்,எனினும் இலங்கையில் அனைவருக்கும் இணையத்தள பாவனை சுதந்திரம் கிடைக்கப்பெற வேண்டும்என்பதற்கு ஐக்கிய நாடுகள் சபை ஆதரவளிப்பதாக குறிப்பிட்டுள்ளார்.

கடந்த சில நாட்களாக கண்டி மாவட்டத்தில் ஏற்பட்டுள்ள வன்முறை சம்பவங்களுக்கு சமூக வலைத்தளங்கள் நேரடியாக தாக்கம் செலுத்தியுள்ளதாக பல தரப்பினர் குறிப்பிட்டுள்ளனர்.

இதன் காரணமாக இலங்கையில் காலவரையின்றி பேஸ்புக் உட்பட சமூக வலைத்தளங்களை முடக்குவதற்கு நடவடிக்கை மேற்கொள்ளப்பட்டுள்ளது.

முஸ்லிம் மக்களுக்கு எதிராக முன்னெடுக்கப்பட்ட வன்முறை சம்பவங்களின் போது சமூக வலைத்தளங்களுக்கு அப்பால் கூகுள் தேடுபொறியில் சிலவற்றைய தேடியுள்ளதாக Google Trends தரவுகள் உறுதி செய்துள்ளது.

அதற்கமைய அண்மையில் கண்டி பிரதேசத்தில் ஏற்பட்ட மோதலில் பயன்படுத்தப்பட்ட பெட்ரோல் குண்டு தயாரிப்பதற்கு அவசியமான தகவல்களை கூகுள் தேடு பொறி ஊடாக பெற்றுக் கொள்ளப்பட்டதாக உறுதி செய்யப்பட்டுள்ளது.

கடந்த மார்ச் மாதம் 6ஆம் திகதியில் இருந்து 8ஆம் திகதி வரையான காலப்பகுதியினுள் Google Trends தரவுகளை ஆய்வு செய்யும் போது இந்த விடயம் கண்டுபிடிக்கப்பட்டுள்ளது.

மோதலில் போது பெட்ரோல் குண்டுகளுடன் வன்முறையில் ஈடுபட்ட நபர்கள் தொடர்பில் கைது செய்யப்பட்ட நிலையில் அதனை தயாரிப்பதற்கான உதவிகளை கூகுள் மூலம் தேடியுள்ளதாக தெரியவந்துள்ளது.

கடந்த நாட்களில் பொலிஸார் மேற்கொண்ட தேடுதலின் போது பெருமளவு பெட்ரோல் குண்டுகள் மீட்கப்பட்டன.

வன்முறை சம்பவங்களின் போது நூற்றுக்கு மேற்பட்ட வர்த்தக நிலையங்கள் தீ வைக்கப்பட்டன. இதற்காக பெற்றோல் குண்டுகள் பயன்படுத்தப்பட்டமை குறிப்பிடத்தக்கது.

இதனை உறுதிப்படுத்தும் காணொளிகள் சமூக வலைத்தளங்களில் வேகமாக பரவி வருகின்றமை குறிப்பிடத்தக்கது.

Author: verified_user

0 comments: