Monday, 5 March 2018

சவுதி மணமகளின் மனிதநேயம் ~ தனக்கு கிடைத்த மஹர் தொகையை மருத்துவத்திற்கு வழங்கி உதவி!

சவுதியில் மருத்துவ மனையில் அனுமதிக்கப்பட்டுள்ள ஒருவருக்கு மருத்துவ உதவி வேண்டி சமூக வலைத்தளங்களில் கோரிக்கை விடப்பட்டிருந்ததை கண்ட ஒரு மணமகள் தனக்கு மஹராக (மாப்பிள்ளை பெண்ணுக்கு வழங்கும் மணக்கொடை / வரதட்சணையாக) கிடைத்த 15,000 ரியால்களையும் முழுமையாக கொடையாக வழங்கினார்.

(பெண்ணிடமிருந்து வரதட்சணை பெறுபவர்களே! அல்லாஹ்வை அஞ்சிக் கொள்ளுங்கள், வரதட்சணையை தவிருங்கள், உங்களுக்கு இச்சம்பவத்தில் படிப்பினை இல்லையா?)

ஷூவா அல் ஷரீஃப் ( Shu'aa Al Sharif) என்கிற அந்த ஏழ்மையான மணமகளுக்கு இன்னும் சில மாதங்களில் திருமணம் நடத்திட நிச்சயிக்கப்பட்டுள்ளது. மேலும் தன்னுடைய பெற்றோர்களையும் உடன் பிறந்தவர்களையும் பொருளாதார ரீதியாக கவனித்துக் கொள்ள வேண்டிய கட்டாய நிலையிலும் தன்னைவிட மிகத்தேவையுடைய அந்த முன்பின் தெரியாதவர் ஒருவரின் மருத்துவத் தேவைக்கு வழங்கி சிறந்துள்ளார்.

இதைப்பற்றி கருத்துத் தெரிவித்த மணமகள் ஷூவா அல் ஷரீஃப் அவர்கள், தேவையுடைய ஒருவருக்கு தேவையான நேரத்தில் இவ்வுலகில் வழங்கி மகிழாமல் வேறு எங்கு வழங்க முடியும் என வினவினார்.

தங்களுக்கு தேவையிருந்த போது தங்களைவிட மற்றவர்களை உதவி பெறுவதற்கு தகுதியானவர்களாக நினைத்து தேர்ந்தெடுத்துக்கொள்வார்கள் (அல் குர்ஆன் 59:9)

இதைப் பற்றி mbc தொலைக்காட்சியில் வெளியான வீடியோ செய்தி...




Source: Khaleej Times
தமிழில்: நம்ம ஊரான்

Author: verified_user

0 comments: