Tuesday, 6 March 2018

கண் தெரியாத மூதாட்டியை விமான ஊழியர்கள் தவறான விமானத்தில் மாற்றி அனுப்பி வைத்து சோகம்!

மரியோ லாரியோஸ் என்கிற 80 வயது மூதாட்டிக்கு 'இங்கிலீஷ்' பேசவும் தெரியாது, சரிவர கண்ணும் தெரியாது என்றாலும் மருத்துவ சிகிச்சைக்காக அனுமதிக்கப்பட்டுள்ள தன் மகளுக்கு துணையாக இருப்பதற்காக எல் ஸல்வடேர் (El Salvador) நகரிலிருந்து நார்த் கரோலினா (North Carolina) செல்வதற்காக யுனைடெட் ஏர்லைன்ஸில் டிக்கெட் எடுத்திருந்தார்.

எல் ஸல்வாடேரிலிருந்து புறப்பட்டவர் ஹவுஸ்டன் (Houston) நகரில் விமான மாறி நார்த் கரோலினா செல்ல வேண்டும் ஆனால் யுனைடெட் ஏர்லைன்ஸ் விமான ஊழியர்கள் கொலராடோ மாகாணத்தின் டென்வர் (Denver) நகருக்கு தவறாக அனுப்பி வைத்தனர்.

டென்வருக்கு சென்ற பிறகு தான் விமான ஊழியர்களின் தவறு தெரிந்தது. யுனைடெட் விமான நிறுவனம் 12 மணிநேர காத்திருப்புக்கு பின்பு டென்வரிலிருந்து நார்த் கரோலினா செல்லும் விமானத்தில் மீண்டும் மூதாட்டியை சரியாக அனுப்பி வைத்துவிட்டு சமர்த்தாக வருத்தமும் தெரிவித்துள்ளனர் ஆனால் மூதாட்டியின் மகள் மிக்கி பராடீஸ் என்பவர், யுனைடெட் நிறுவனம் எனது தாயை ஒரு பயணியாக நடத்தாமல் ஒரு லக்கேஜாக கருதியுள்ளது என பாய்ந்துள்ளார், நியாயந்தானே!

Source: NewsHub / Msn
தமிழில்: நம்ம ஊரான்

Author: verified_user

0 comments: