Wednesday, 7 March 2018

கண்டி பேரினவாத தாக்குதலுக்கு பொலிஸாரின் உதவி - சிங்கள ஊடகம் சாடல்!

கண்டி, தெல்தெனிய, திகன பிரதேச்தை அடிப்படையாக கொண்டு நடத்தப்பட்ட பேரினவாத தாக்குதலுக்கு பொலிஸாரின் உதவி கிடைத்துள்ளதாக சிங்கள ஊடகம் ஒன்று தகவல் வெளியிட்டுள்ளது.

தடுத்திருக்க கூடிய மோதல் கண்டி நகரம் முழுவதும் பரவுவதற்கு பொலிஸார் காரணமாக இருந்துள்ளனர். அது தொடர்பில் உரிய முறையில் செயற்படாமையே இதற்கான பிரதான காரணமாக கூறப்படுகின்றது.

முஸ்லிம் மக்களுக்கு எதிராக சிங்கள மக்களை கோபப்படுத்துவதற்காக சில அதிகாரிகள் காரணமாகியுள்ளதாக தகவல் வெளியாகியுள்ளது.

எப்படியிருப்பினும் இது தொடர்பில் கிடைத்துள்ள தகவல்களுக்கமைய குற்ற விசாரணை திணைக்களம் தற்போது விசாரணைகளை ஆரம்பிப்பதற்கு நடவடிக்கை மேற்கொண்டுள்ளது.

இனவாத வன்முறை குழுக்கள் கற்களுடன் மோதலுக்கு தயாராக இருப்பதனை அறிந்து கொண்ட போதிலும் அவர்களை கலைப்பதற்கான பொலிஸார் நடவடிக்கை மேற்கொள்ளாமல் இருந்ததனை அவதானிக்க முடிந்ததாக அந்த பகுதி மக்கள் தெரிவித்துள்ளனர்.

அத்துடன் அந்த பிரதேசத்தில் மோதலை ஏற்படுத்தி கொள்வதற்காக பல வெளியாட்கள் வரவழைக்கப்பட்டுள்ளதாகவும் குறித்த ஊடகம் சுட்டிக்காட்டியுள்ளது.

Author: verified_user

0 comments: