Monday, 12 February 2018

ராஜஸ்தான் மாநிலம் பூமிக்கடியில் 11 கோடி தொன் தங்கம்; ஆய்வில் உறுதி

இந்தியாவின், ராஜஸ்தான் மாநிலம் உதய்பர், பன்ஸ்வாரா பகுதியில் பூமிக்கு அடியில் 300 அடி ஆழத்தில் 11 கோடி தொன் தங்கம் இருப்பதை வரலாற்று ஆய்வாளர்களும், புவியியல் வல்லுனர்களும் உறுதி செய்துள்ளனர்.

இது தொடர்பில் கருத்து வெளியிட்டுள்ள “இந்திய புவியியல் மையத்தின் இயக்குனர் குடும்பா ராவ் “ராஜஸ்தான் மாநிலத்தின் பன்ஸ்வாரா, உதய்பூர் பகுதிகளில் பூமிக்கு அடியில் 300 அடி ஆழத்தில் தங்கம் இருப்பதை உறுதி செய்துள்ளோம். ஏறக்குறைய 11.48 கோடி தொன் எடை இருக்கும்.

தற்போது நடைபெற்றுவரும் சுரங்கப் பணியில் செம்பு, தங்கம் ஆகியன அந்த பகுதிகளில் கிடைத்து வருகிறது. மேலும், சிக்கர் மாவட்டத்தில் நீம் கா தானா பகுதியிலும் இதுபோல் தங்கம், செம்பு உள்ளிட்ட உலோக தாதுக்கள் இருப்பதை கண்டுபிடித்துள்ளோம். அங்கும் அகழ்வாராய்வு, சுரங்கப் பணிகள் நடைபெற்று வருகின்றன.

ஜெய்ப்பூரில் நடைபெற்று வரும் அகழ்வாராய்வுப் பணியில் தங்கம், செம்பு, ஈயம், துத்தநாகம் ஆகியவை கிடைக்கும் எனத் தெரிகிறது.

ராஜ்பூரா, தரிபா சுரங்கத்தில் ஆய்வாளர்கள் கணிப்பின்படி, 35 இலட்சம் தொன் ஈயம், துத்தநாகம் பொதிந்து கிடக்கிறது. பில்வாரா பகுதியில் 8 கோடி தொன் செம்பு இருப்பதையும் உறுதி செய்துள்ளோம்.“ எனக் குறிப்பிட்டுள்ளார்.

Author: verified_user

0 comments: