Thursday, 22 February 2018

அமீரகத்தில் பெரும் தீ விபத்தை தடுக்க உதவிய 10 வயது சிறுமிக்கு போலீஸ் பாராட்டு

அமீரகம், ஷார்ஜாவின் திப்பா அல் ஹொஸன் பகுதியில் உள்ள ஒரு 2 மாடி கட்டிடத்தின் 2வது மாடியில் குடும்பத்தினருடன் தங்கி இருப்பவர் சாரா அலி அஹ்மது என்கிற 10 வயது இமராத்தி சிறுமி. இவர் தங்கியிருந்த கட்டிடத்தின் கீழ்ப்பகுதியில் தீப்பற்றி எரியத் துவங்கியதை கண்ட சிறுமி உடனே 999 என்ற எண்ணில் போலீஸை அழைத்து தீப்பற்றியது பற்றி தெரியப்படுத்தினாள்.

சிறுமி சாராவின் சமயோகித செயலால் தீ அணைக்கப்பட்டதுடன் அந்த கட்டிடத்தில் தங்கியிருந்தவர்களின் உயிரும் உடைமைகளும் தகுந்த நேரத்தில் காக்கப்பட்டன.


இச்சிறுமியின் செயற்கரிய செயலை அங்கீகரித்த ஷார்ஜா போலீஸ், சிறுமி சாராவுக்கு மேலும் உத்வேகம் தரும் வகையிலும் பிற சிறார்களுக்கும் நல்ல முன்மாதிரியாக அமையும் வகையிலும் சிறுமி சாரா பயிலும் பள்ளிக்கூடத்திற்கே நேரில் சென்று பாராட்டி, நற்சான்றிதழ் மற்றும் பரிசுகளை வழங்கினர்.

Source: Gulf News
தமிழில்: நம்ம ஊரான்

Author: verified_user

0 comments: