Saturday, 6 January 2018

அமீரகத்தில் ரீசார்ஜ் கார்டுகளுக்கு வாட் வரி இல்லை ~ Etisalat, Du டெலிகாம் நிறுவனங்கள் விளக்கம்!

2018 ஜனவரி 1 முதல் வாட் வரி அமீரகத்தில் அமலானதை தொடர்ந்து பல்வேறு சந்தேகங்களும், வதந்திகளும் எழுந்துள்ளன, அதில் ஒன்று தான் ரீசார்ஜ் கார்டுகள் மீது வாட் வரி விதிக்கப்படுவதாக எழுந்த விமர்சனங்கள்.

எதிசலாட் அறிவித்துள்ளதாவது:
பிற்கொடுப்பனவு வாடிக்கையாளர்களுக்கு (post paid customers) அவர்களுடைய மாதாந்திர பில்லில் 5% வாட் வரி சேர்க்கப்படும்.

எதிசலாத் நிறுவனம் 30, 55, 110, 210 மற்றும் 525 திர்ஹங்கள் மதிப்பில் ரீசார்ஜ் கார்டுகளை வெளியிடுகின்றது ஆனால் இந்த ப்ரீ பெய்டு (Pre paid recharge card) எனும் ரீசார்ஜ் கார்டுகளை பயன்படுத்துவோர் கார்டுகளை வாங்கும் போது கூடுதல் கட்டணம் செலுத்தத் தேவையில்லை ஆனால் அவர்கள் பயன்படுத்தும் சேவைக்கு ஏற்றவாறு வாட் வரி சேர்த்து எடுக்கப்படும் என விளக்கமளித்துள்ளது.

டூ டெலிகாம் நிறுவனம் கூறியுள்ளதாவது:
ரீசார்ஜ் கார்டுகளில் குறிப்பிட்டுள்ள கட்டணங்களை மட்டுமே செலுத்துங்கள். உங்களுடைய பயன்பாட்டிற்கு ஏற்றவாறு சேவையை தொடர்ந்து வாட் வரி பிடிக்கப்படும்.

அதேபோல், மூன்றாம் நிலை கொள்முதல் (Third - Party Purchases), ரோமிங் சேவைகள் (Roaming Services) மற்றும் குறுஞ்செய்திகள் (SMSes) அனுப்ப வாட் வரி இல்லை என்றும் தெரிவித்துள்ளது.

Source: Gulf News
தமிழில் : நம்ம ஊரான்

Author: verified_user

0 comments: