Tuesday, 2 January 2018

சீனாவில் 130 மில்லியன் ஆண்டுகளுக்கு முற்பட்ட டைனோசர் முட்டைகள் கண்டெடுப்பு!

சீனாவின் கிழக்கு ஜியாங்ஸி மாகாணத்தில் வளர்ந்து வரும் கன்சூ நகரின் டாயு கவுண்டியில் பள்ளிக்கூடம் கட்டுவதற்காக தொழிலாளர் நிலத்தை தோண்டிக் கொண்டிருந்தனர். அப்போது அவர்கள் சுமார் 20 முதல் 30 வரையிலான கருப்புநிற பொருட்களை கண்டனர்.

வேலையை இடைநிறுத்திய கட்டுமானத் தொழிலாளர்கள் அரசுக்கு தகவல் தெரிவித்ததை அடுத்து அங்கு வருகை தந்த விஞ்ஞானிகள் அடங்கிய குழுவினர் டைனோசர் முட்டைகள் என்றும் இவை Cretaceous காலத்தை சேர்ந்தவை என்றும் கூறினர்.

முன்பு இப்பிரதேசத்தில் பெரிய ஏரி ஒன்று இருந்திருக்கும், இவை டைனோசர்கள் முட்டையிட்டு இனப்பெருக்கம் செய்ய ஏற்ற இடமாக இருந்திருக்கும் என கருத்து தெரிவித்துள்ளனர். மேலும் அம்முட்டைகளை கைப்பற்றி மேற்கொண்டும் ஆராய்வதற்காக அங்குள்ள மியூசியத்திற்கு கொண்டு சென்றுள்ளனர்.

Source: The Independent / Msn
தமிழில்: நம்ம ஊரான்

Author: verified_user

0 comments: