Wednesday, 29 November 2017

கட்டார் துருக்கி, மற்றும் ஈரான் மும்முணை பொருளாதார ஒப்பந்தத்தில் கைச்சாத்து!

அண்டைய அரபு நாடுகளின் முற்றுகையில் சிக்கி இருக்கும் கட்டார் வர்த்தக உறவுகளை அதிகரிக்கும் நோக்கில் ஈரான் மற்றும் துருக்கியுடன் ஒப்பந்தம் செய்து கொண்டுள்ளது.

கடந்த ஞாயிற்றுக்கிழமை இடம்பெற்ற இந்த ஒப்பந்தத்தின்படி மூன்று நாடுகளுக்கும் இடையிலான பொருட்களின் போக்குவரத்திற்கு கூட்டு செயற்பாட்டு குழு ஒன்று அமைக்கப்படவுள்ளது. மூன்று நாடுகளுக்கும் இடையில பொருட்கள் விநியோகிப்பதில் உள்ள தடங்கல்கள் அகற்றப்படும் என்று கூறப்பட்டுள்ளது.

ஷியா ஆதிக்க சக்தியான ஈரானுடனான கட்டாரின் உறவு, சுன்னி ஆட்சி நிலவும் சவூதி அரேபியாவின் கோபத்தை தூண்டிய காரணிகளில் ஒன்றாகும். சவூதி, பஹ்ரைன், ஐக்கிய அரபு இராச்சியம் மற்றும் எகிப்து கடந்த ஜுன் மாதம் கட்டாருடனான உறவை துண்டித்தது. கட்டார் தீவிரவாதத்திற்கு உதவுவதாகவும் ஈரானுடன உறவை வளர்ப்பதாகவும் குற்றம்சாட்டப்பட்டது.

இந்த பிரச்சினை ஆரம்பித்தது தொடக்கம் ஈரான் மற்றும் துருக்கி நாடுகள் கட்டாருடனான உறவை பலப்படுத்தியுள்ளன. கட்டார் தனிமைப்படுத்தப்படுவதை தவிர்க்கும் வகையில் உணவுப் பொருட்களின் ஏற்றுமதியை இந்த இரு நாடுகளும் அதிகரித்துள்ளன. 

Author: verified_user

0 comments: