Breaking News

உலக பிரசித்தி பெற்ற சிங்கப்பூர் ஏர்போர்ட்டில் நவீன தொழில்நுட்ப சேவை அறிமுகம் !


உலக பிரசித்தி பெற்ற விமான நிலையங்களில் ஒன்றான சிங்கப்பூர் சாங்கி விமான நிலையத்தின் (Singapore Changi Airport) டெர்மினல் 4ல் புதிய தொழிற்நுட்ப சேவை அறிமுகப்படுத்தப்பட்டுள்ளது. இந்த நவீன தொழிற்நுட்ப வசதிகள்  (fully automated check-in system  including facial scanning and computerised baggage drop points) சுமார் 985 மில்லியன் சிங்கப்பூர் டாலர்கள் (723 அமெரிக்க டாலர்கள்) செலவில் அமைக்கப்பட்டுள்ளன.வருடத்திற்கு சுமார் 16 மில்லியன் பயணிகளை கையாளுகின்றது இந்த சிங்கப்பூர் சாங்கி விமான நிலையம்.

இப்புதிய தொழிற்நுட்பத்தின் அடிப்படையில் பயணிகள் அனைவரும் விமான நிலைய ஊழியர்கள் யாருடைய உதவியின்றியும் தாமே முக ஸ்கேனிங் செய்து கொண்டு செக்கின் சோதனைகள் (Check-In) , பேக்கேஜ் டிராப் போன்றவைகளை சுயமாக முடித்துக் கொண்டு விமானத்தில் பறக்கலாம்.

இந்த நவீன தொழிற்நுட்பம் அறிமுகமான முதல் நாளின் முதல் சேவையாக சிங்கப்பூரிலிருந்து ஹாங்காங் செல்லும் கேத்தே பசிபிக் விமானப் பயணிகள் இந்த சுய முக ஸ்கேனிங் மெஷின்களை உபயோகப்படுத்த கட்டாயப்படுத்தப்பட்டனர் எனினும் அவர்களில் சிலரால் சுய ஸ்கேனிங் செய்து கொள்ள இயலாததால் நடைமுறையிலுள்ள கவுண்டர்களுக்குச் சென்று வழமையான பணிகளை முடித்துக் கொண்டனர்.

இதுபோன்ற நவீன தொழிற்நுட்பங்களை அறிமுகப்படுத்துவதில் ஆசிய அளவில் ஹாங்காங், துபை போன்ற நாடுகளுடனும், அண்டை நாடுகளான மலேஷியா, தாய்லாந்து போன்றவற்றுடனும் சிங்கப்பூர் பயணிகளை கவரும் பெரும் போட்டியில் ஈடுபட்டு வருவது குறிப்பிடத்தக்கது.

Source: Emirates 247
தமிழில்: நம்ம ஊரான் 

No comments