Monday, 27 November 2017

இந்திவயாவில் ஒருவரின் வயிற்றில் இருந்து 5 கிலோ இரும்பு உள்ளிட்ட ஆபத்தான பொருட்கள் அகற்றம் !

இந்தியா, மத்திய பிரதேச மாநிலத்தில் ஒருவருடைய வயிற்றிலிருந்து 5 கிலோ இரும்பு பொருட்கள் அகற்றம்

மத்திய பிரதேச மாநிலம், சட்னா மாவட்டம் சொஹாவால் என்ற ஊரைச் சேர்ந்தவர் 32 வயதுடைய முஹமது மக்சூது. வயிற்று வலியால் துடித்த இவரை பரிசோதித்த மருத்துவர் குழு இவருடைய வயிற்றிலிருந்து சுமார் 5 கிலோ எடையுடைய இரும்பு மற்றும் இதர உலோக, கண்ணாடி பொருட்களை அகற்றியுள்ளனர்.

1 செயின், 263 காசுகள், 12 ஷேவிங் பிளேடுகள், 4 பெரிய ஊசிகள் மற்றும் சில கண்ணாடித் துண்டுகளை சஞ்சய் காந்தி மருத்துவக் கல்லூரியின் மருத்துவமனையில் டாக்டர் பிரியங்க் ஷர்மா தலைமையிலான 6 பேர் கொண்ட மருத்துவர் குழு ஆபரேசன் செய்து அகற்றியுள்ளனர். மந்த சிந்தனையுடைய முஹமது மக்சூது யாருக்கும் தெரியாமல் இவற்றை விழுங்கி வந்துள்ளார்.

டாக்டர்களின் தீவிர கண்காணிப்பில் இருக்கும் முஹமது மக்சூது தற்போது அபாய கட்டத்தை தாண்டி உடல்நிலை தேறி வருகிறார் என மருத்துவர்கள் தெரிவித்துள்ளனர். இத்தனையையும் முழுங்கியவருக்கு மரணம் வந்திருக்க வேண்டும் ஆனால் இறைவன் நாடாமல் மரணம் நெருங்காது என்பதற்கு இதுவும் ஓர் உதாரணமாக திகழ்கிறது.

Source: NDTV
தமிழில்: நம்ம ஊரான் 

Author: verified_user

0 comments: