Monday, 27 November 2017

இங்கிலாந்தில் 22 வயது பெண் 13 வயது நினைவுக்கு திரும்பிய விநோத சம்பவம்!

இங்கிலாந்து, நியூபோர்ட், வெல்ஷ் சிட்டியைச் சேர்ந்தவர் 22 வயது பெண் ஷன்னொன் எவரெட், ஏற்கனவே 3 வயது பெண் குழந்தைக்கு தாயாக இருக்கும் நிலையில் 2வது குழந்தையை பிரசவிக்கவிருந்தார். மருத்துவமனையில் கடும் ரத்தப்போக்கு மற்றும் சுமார் 68 நிமிடங்கள் இதயம் செயலிழந்த நிலையில் தாயும் சேயும் என 2 உயிர்கள் போராடிக் கொண்டிருந்ததால் மருத்துவர்கள் அவரை செயற்கை கோமா நிலைக்கு கொண்டு சென்றனர்.

செயற்கை கோமா நிலையிலேயே 2வது பிள்ளையை பிரசவித்தவருக்கு மருத்துவ சிகிச்சைகளை தொடர வேண்டி 15 நாட்கள் நினைவற்ற நிலையிலேயே வைக்கப்பட்டிருந்தார் ஷன்னோன். 15 நாட்கள் கழித்து கண் திறந்தவருடைய ஞாபகங்கள் பெருமளவில் அழிந்து போயிருந்தன. அவருக்கு கணவர் இருப்பதையும், 2 குழந்தைகளுக்கு தாய் என்பதையும் சுத்தமாக மறந்து போயிருந்தார். மேலும் அவருடைய 13 வயதிற்கு நினைவுகள் பின்னோக்கிச் சென்றதால் தன்னை இன்னும் திருமணமாகாத இளம் யுவதியாக கருதிக் கொண்டு அதன் தொடர்பிலான செய்திகளை மட்டுமே பேசினார். இதுபோன்ற நோய் 20,000 தாய்மார்களில் ஒருவருக்கு ஏற்படுமாம்.

தவித்துப் போன கணவரும், அவரது தாயும் இன்னபிற உறவினர்களும் அவரது நினைவு திரும்பலுக்காக பல்வேறு முயற்சிகளை மருத்துவர்களின் ஆலோசணையுடன் குழந்தை, கணவருடன் உள்ள பழைய வீடியோக்கள் போன்றவற்றை போட்டுக்காட்டி வருவது ஓரளவு பலன்தர ஆரம்பித்துள்ளதாம். பிறந்த குழந்தையோ தனது பாட்டியின் கண்காணிப்பில் உள்ளது.

Source: dailymail.co.uk
தமிழில்: நம்ம ஊரான் 

Author: verified_user

0 comments: