Breaking News

அமெரிக்கா செல்லும் விமானங்களில் புதிய பாதுகாப்பு நடைமுறைகள் அமூல் !


கடந்த ஜூன் மாதம் சில அரபுநாடுகளிலிருந்து அமெரிக்கா செல்லும் விமானங்களில் லேப்டாப் போன்ற மின்னனு சாதனங்கள் கொண்டு செல்ல தடைவிதிக்கப்பட்டு பின்பு ஜூலை மாதம் விலக்கிக் கொள்ளப்பட்டது எனினும் 120 நாட்கள் அவகாசம் வழங்கப்பட்டு பாதுகாப்பு நடவடிக்கைகளை மேம்படுத்திக் கொள்ள உலகின் அனைத்து விமான நிறுவனங்களுக்கும் வாய்ப்பு வழங்கப்பட்டிருந்தது.

கால அவகாசம் முடிவுற்ற நிலையில் நாளை (26.10.2017 வியாழன்) முதல் மீண்டும் பல்வேறு பாதுகாப்பு கெடுபிடிகளை ஆரம்பம் செய்யவுள்ளது அமெரிக்கா. அனைத்து பயணிகளும் தற்போது நடைமுறையில் உள்ள 60 நிமிடங்களுக்குப் பதில் 90 நிமிடங்களுக்கு முன்பே பாதுகாப்பு சோதனைக் கடமைகளை நிறைவு செய்தல், பயணிகளை ஸ்கேன் செய்தல் மற்றும் சிறு விசாரணைகள் ஆகியவை அவற்றில் சில.

இந்தப் புதிய பாதுகாப்பு நடைமுறைகளால் தினந்தோறும் 105 உலக நாடுகளிலுள்ள 280 விமான நிலையங்கள் வழியாக 180 விமான நிறுவனங்களுக்குச் சொந்தமான 2000 பயணிகள் விமானங்கள் வழியாக அமெரிக்காவிற்குள் வரும் சுமார் 325,000 பயணிகள் கடுமையாக பாதிக்கப்படுவர் என எதிர்பார்க்கப்படுகிறது.

Source: Gulf News
தமிழில்: நம்ம ஊரான்

No comments