Breaking News

துபாயின் 50 வருட ஜூமைரா மிருகக்காட்சி சாலையை நிரந்தரமாக மூடியது அரசாங்கம் !


துபையின் 50 வருட பாரம்பரிய ஜூமைரா மிருகக்காட்சி சாலை நிரந்தரமாக மூடப்பட்டுள்ளது.


துபையில் 50 ஆண்டுகளாக செயல்பட்டு வந்த ஜூமைரா மிருகக்காட்சி சாலை எதிர்வரும் நவம்பர் 5 ஆம் தேதியுடன் நிரந்தரமாக மூடப்படுகிறது. இங்குள்ள மிருகங்கள் அனைத்தும் நவம்பர் மாத இறுதியில் திறக்கப்படவுள்ள துபை சபாரி எனும் புதிய புகலிடத்திற்குச் செல்கின்றன.



துபை சபாரி (Dubai Safari) எனும் திறந்த வெளி உயிரியல் பூங்கா மத்திய கிழக்கு பிராந்தியத்தில் அமையும் முதலாவது பிரமாண்ட பொழுதுபோக்கு பூங்காவாக அமையவுள்ளது குறிப்பிடத்தக்கது.



ஜூமைரா மிருகக்காட்சி சாலையில் பணியாற்றி வந்த ஊழியர்களுக்கு நன்றி தெரிவிக்கும் விழா எதிர்வரும் நவம்பர் 5 ஆம் தேதி நடைபெறும் என்றும் அன்றைய தினம் பொதுமக்கள் விழாவினை பார்வையிட கட்டணமின்றி ஜூமைரா மிருகக்காட்சி சாலையினுள் அனுமதிக்கப்படுவார்கள் என தெரிவிக்கப்பட்டுள்ளது.



துபை சபாரி பார்க் எதிர்வரும் டிசம்பர் 2 ஆம் தேதி பொதுமக்கள் பார்வைக்குத் திறக்கப்படவுள்ளதாக அதிகாரப்பூர்வமாக அறிவிக்கப்பட்டுள்ளது.



Source: Gulf News
தமிழில்: நம்ம ஊரான்

No comments