Breaking News

கத்தார் வாழ் சகோதரர்கள் கவனத்திற்கு! நவம்பர் 1ம் முதல் பெற்றோல் விலை அதிகரிக்கப்படுகின்றது!,

நாளை நவம்பர் முதலாம் திகதி முதல் பொற்றோலின் விலையில் மீண்டும் மாற்றத்தைக் கொண்டுவர தீர்மனித்துள்ளதாக கத்தார்  எரிசக்தி மற்றும் தொழில் அமைச்சு அறிவித்துள்ளது. 

அந்த வகையில் ஆக்டோபர் மாதம் 1.70 றியால்களாக விற்கப்பட்டு வந்த 95-octane சூபர் பெற்றோல் 5 திர்ஹங்கள் அதிகரிக்கப்பட்டு 1.75 றியால்களாகவும், 1.60 றியால்களாக விற்கப்பட்டு வந்த 91-octane பிரிமியம் பெற்றோல் 5 திர்ஹங்கள் அதிகரிக்கப்பட்டு  1.65 றியால்களாகவும் விற்கப்பட இருக்கின்றன. அதேபோன்று 1.55 றியால்களாக விற்கப்பட்டு வந்த டீசல் 10 திர்ஹங்கள் அதிகரிக்கப்பட்டு  1.65 றியால்களாக  விற்கப்பட இருப்பதாக அறிவிக்கப்பட்டுள்ளது. 

மேற்படி அறிவித்தலை  கத்தார்  எரிசக்தி மற்றும் தொழில் அமைச்சு  உத்தியோக பூர்வ இணையத்திலும், சமூக வளைதளங்கள் மூலமாகவும் அறிவித்துள்ளது. சர்வதேச சந்தையில் விலை ஏற்ற, இறக்கத்துக்கு ஏற்ப கத்தாரின் எரிபொருள் விலையிலும் மாற்றங்கள் கொண்டு வரப்படும் என்பதாகவும் செய்திகள் தெரிவிக்கின்றன. 


No comments