Tuesday, 24 October 2017

15 அடி நீளமுள்ள 'ஒயிட்' சுறா மீனிடமிருந்து தப்பிய ஆஸ்திரேலிய இளம்பெண் ! (படங்கள் இணைப்பு)

ஆஸ்திரேலியா நாட்டின் தென்பகுதி கடற்கரை பிரதேசமான நார்மன்வில்லி கடலில் 'காயக்' (Kayak) எனப்படும் சிறிய ரக பிளாஸ்டிக் படகில் 'கணவாய்' எனப்படும் ஒருவகை சிப்பிமீன் பிடித்துக் கொண்டிருந்தார் 15 வயது இளம்பெண் சாரா வில்லியம்ஸ் என்பவர். அப்போது தீடீரென அவரது காயக் படகை சுமார் 4.5 மீட்டர் நீளமுள்ள (15 அடி) பெரிய வெள்ளைச் சுறா மீன் (Great White Shark) ஒன்று தாக்கியதால் அவர் கடலுக்குள் தூக்கி வீசப்பட்டார்.

ஆவேசம் கொண்ட சுறா மீண்டும் மீண்டும் 3 முறை காயக் படகையே குறிவைத்து தாக்கிக் கொண்டிருந்த இடைவெளியில் கடலில் தத்தளித்த சாராவை அவரது தந்தையும் சகோதரனும் மின்னல் வேகத்தில் செயல்பட்டு தங்களது படகில் தூக்கிபோட்டு காப்பாற்றியதால் சுறாவுக்கு இரையாகவிருந்த சாரா சிறுகாயங்களுடன் தப்பியதாக அவரது தந்தை நெகிழ்ச்சியுடன் குறிப்பிட்டார்.

Source: Gulf News
தமிழில்: நம்ம ஊரான்

Author: verified_user

0 comments: