Breaking News

உலகின் சக்தி வாய்ந்த பாஸ்போர்ட்டாக சிங்கப்பூர் தேர்வு ~ டாப் 10 நாடுகளின் விவரங்கள்


அதிக நாடுகளில் விசா இல்லாமல் அல்லது ஆன் அரைவல் விசா வழியாக உள்நுழைய அனுமதிக்கப்படும் நாட்டைச் சார்ந்த பாஸ்போர்ட்டே உலக நாடுகளின் சக்தி வாய்ந்த பாஸ்போர்ட்கள் (World's most powerful passport) என அறியப்படுகின்றன.

அந்தப் பட்டியலில் முதன்முதலாக ஒரு ஆசிய நாடான சிங்கப்பூர் அந்தத் தகுதியை பெற்றுள்ளது. சமீபத்தில் பராகுவே நாடு சிங்கப்பூர்வாசிகளுக்கு விசா சலுகைகளை அறிவித்ததன் மூலம் ஐரோப்பிய நாடுகளை பின்னுக்குத் தள்ளி இச்சிறப்பை பெற்றுள்ளது.

பொதுவாக ஐரோப்பிய நாடுகளின் பெரும்பாலானவையே உலகின் முதல் பத்து சக்திவாய்ந்த பாஸ்போர்ட்டுக்களுக்கான இடங்களை பகிர்ந்து கொள்ளும். கடந்த 2 ஆண்டுகளாக ஜெர்மனியே இவ்விடத்தை வகித்து வந்தது. உலகின் சக்திவாய்ந்த முதல் 20 பாஸ்போர்ட்கள் என்ற பட்டியலுக்குள் தென் கொரியா, ஜப்பான் மற்றும் மலேஷியா பாஸ்போர்ட்கள் இடம்பெறுகின்றன.

1. 159 புள்ளிகள் சிங்கப்பூர்
2. 158 புள்ளிகள் - ஜெர்மனி
3. 157 புள்ளிகள் - சுவிடன், தென் கொரியா
4. 156 புள்ளிகள் - டென்மார்க், பின்லாந்து, இத்தாலி, பிரான்ஸ், ஸ்பெயின், நார்வே, ஜப்பான், ஐக்கிய ராஜ்ஜியம் (U.K).
5. 155 புள்ளிகள் - லக்ஸம்பர்க், சுவிட்ஸர்லாந்து, நெதர்லாந்து, பெல்ஜியம், ஆஸ்திரியா, போர்ச்சுகல்
6. 154 புள்ளிகள் - மலேஷியா, அயர்லாந்து, கனடா, யுனைடெட் ஸ்டேட்ஸ் (U.S)
7. 153 புள்ளிகள் - ஆஸ்திரேலியா, கிரீஸ், நியூஸிலாந்து
8. 152 புள்ளிகள் - மால்டா, செக் ரிபப்ளிக், ஐஸ்லாந்து
9. 150 புள்ளிகள் - ஹங்கேரி
10. 149 புள்ளிகள் - சுலோவினியா, சுலோவோக்கியா, போலந்து, லித்துவேனியா, லாட்வியா.

அப்ப நம்ம இந்தியா? 51 புள்ளிகள் பெற்று 75 வது இடம். நமக்கும் கீழே 40 நாடுகள் இருக்கு. ஆக மட்டமான பாஸ்போர்ட் ஆப்கானிஸ்தான். 22 புள்ளிகளுடன் 94 வது (கடைசி) இடம்.


Source: Msn / Passport Index
தமிழில்: நம்ம ஊரான்

No comments