எச்சரிக்கை! இலவச விமான பயண சீட்டுக்களை ஸ்ரீலங்கன் எயார்லைன்ஸ் வழங்குகிறதா?

Published On Tuesday, 5 September 2017 | 11:17:00

கடந்த சில தினங்களாக ஸ்ரீலங்கன் எயார்லைன்ஸ் இலவச பயண சீட்டுக்களை வழங்குவதாக சமூக வலைத்தளங்களில் பிரச்சாரங்கள் முன்னெடுக்கப்பட்டன.
எனினும் இது போலி பிரச்சாரம் என ஸ்ரீலங்கன் எயார்லைன்ஸ் விமான சேவை நிறுவனம் அறிக்கை ஒன்றை வெளியிட்டுள்ளது.
இது தொடர்பில் எந்தவொரு பயணியும் ஏமாற்றம் அடைய வேண்டாம் என அறிக்கையின் ஊடாக ஸ்ரீலங்கன் எயார்லைன்ஸ் கேட்டுள்ளது.
அண்மைக்காலமாக சமூக வலைத்தள apps ஊடாக பகிரப்படும் தகவல் ஒன்று தொடர்பிலேயே இவ்வாறு அறிவிக்கப்பட்டுள்ளது.
குறித்த தகவலில் ஸ்ரீலங்கன் விமான சேவையினால் இலவசமாக விமான டிக்கட்கள் இரண்டு வழங்கப்படுவதாகவும், அதற்காக வழங்கப்பட்டுள்ள இணைப்பு அழுத்துமாறும் குறிப்பிடப்பட்டுள்ளது.
எப்படியிருப்பினும் இது தொடர்பில் உத்தியோகபூர்வமாக அறிவிப்பு விடுத்துள்ள ஸ்ரீலங்கன் விமான சேவை, இவ்வாறான ஒரு வேலைத்திட்டம் ஒன்று விமான சேவையினால் மேற்கொள்ளப்படவில்லை என குறிப்பிட்டுள்ளது.
தங்கள் வாடிக்கையாளர்களை ஏமாற்றும் செயற்பாடாக மேற்கொள்ளப்படுவதாகவும், ஸ்ரீலங்கன் விமான சேவை இணையத்தள பக்கத்திற்கும் அதற்கும் எவ்வித தொடர்பும் இல்லை எனவும் சுட்டிக்காட்டப்பட்டுள்ளது.
Share this article :






0 comments:

இந்த செய்தி தொடர்பான உங்கள் கருத்தை பதிவிடவும்

 
Support : Blogger
Proudly powered by உண்மையின் பக்கம்
Copyright © 2016. உண்மையின் பக்கம் - All Rights Reserved