Breaking News

அமீரகத்தில் பள்ளிக்கூடங்கள் மீண்டும் திறப்பு ! குழந்தைகள் குதூகலம் ~ சாலைகள் திணறல் !!

அதிரை நியூஸ்: செப்.10
அமீரகத்தில் கோடை விடுமுறைக்குப்பின் இன்று அனைத்து பள்ளிக்கூடங்களும் 2017-2018 கல்வியாண்டிற்காக திறக்கப்பட்டது. சுமார் 1.1 மில்லியன் பழைய புதிய மாணவ மாணவிகள் பள்ளிக்கு வருகை தந்தனர். குழந்தைகள் பலர் உற்சாகத்துடன் வருகை தந்தனர் அதேவேளை காலை நேரத்தில் அமீரகத்தின் அனைத்து சாலைகளும் பள்ளி செல்லும் வாகனங்களால் திணறியது.

துபையில் 257 அரசுப்பள்ளிகளுடன் சுமார் 45 தனியார் பள்ளிகளும் இயங்குகின்றன. அபுதாபியில் 196 அரசுப்பள்ளிகள் இயங்குகின்ற அதேவேளை அவற்றில் 6 புதியவையாகும்.

அரசுப்பள்ளிகளில் கணக்கும் அறிவியல் பாடமும் இதுவரை அரபியில் மட்டுமே போதிக்கப்பட்டு வந்தது மாற்றப்பட்டு 6 முதல் 11 ஆம் வகுப்பு வரை ஆங்கிலத்திலும் போதிக்க ஏற்பாடுகள் செய்யப்பட்டுள்ளன. 12 வகுப்பிற்கு மாற்றமில்லை.

அமீரக பள்ளிக்கூடங்கள் இன்று திறக்கப்பட்டிருக்கும் நிலையில் சொந்த நாட்டு பாடத்திட்டங்களின் அடிப்படையில் நடைபெறும் இந்திய, பாகிஸ்தானிய, பிலிப்பைனிய மற்றும் இதர ஆசிய நாட்டுப்பள்ளிகள் ஏப்ரல் முதலே நடந்து வருவது குறிப்பிடத்தக்கது.

Source: Gulf News
தமிழில்: நம்ம ஊரான்


No comments