ஷார்ஜாவில் 149 இந்தியர்களுக்கு பொதுமன்னிப்பு !

Published On Thursday, 28 September 2017 | 15:35:00

ஷார்ஜாவில் 3 ஆண்டுகளை சிறையில் கழித்த 149 இந்தியர்கள் பொதுமன்னிப்புடன் விடுதலை செய்ய உத்தரவு பிறப்பிக்கப்பட்டுள்ளது.


ஷார்ஜா சிறைகளில் பொருளாதார குற்றங்கள் மற்றும் கிரிமினல் குற்றங்கள் அல்லாத இதர காரணங்களுக்காக 3 ஆண்டுகளை ஷார்ஜா சிறையில் கழித்துவிட்ட சுமார் 149 இந்தியர்களுக்கு பொதுமன்னிப்பு வழங்கியும், அவர்களுடைய பொருளாதார, கடன் பிரச்சனைகளை தீர்ப்பதற்காக தனது சொந்த நிதியிலிருந்து 20 மில்லியன்களை ஒதுக்கியும் உத்தரவிட்டுள்ளார் ஷார்ஜாவின் ஆட்சியாளர் டாக்டர். ஷேக் சுல்தான் பின் முஹமது அல் கஸீமி அவர்கள்.

முன்னதாக, கேரளாவிற்கு வருகை தந்துள்ள ஷார்ஜா ஆட்சியாளருக்கு காலிகட் யூனிவர்ஸிட்டியின் சார்பாக கௌரவ டாக்டர் பட்டத்தை கேரள கவர்னர் சதாசிவம் அவர்கள் வழங்கினார். இந்நிகழ்வில் கேரள முதலமைச்சர் பினராயி விஜயன் உட்பட பல அமைச்சர்களும் அதிகாரிகளும் வர்த்தகர்களும் பங்கேற்றனர்.

டாக்டர் பட்டம் பெற்றபின் ஏற்புரை நிகழ்த்தி ஷார்ஜா ஆட்சியாளர் கடந்த 70 வருடங்களாக அமீரகத்திற்கும் கேரளாவிற்கும் இடையில் நிலவும் நட்பையும், அமீரக வளர்ச்சிக்காக கேரளா மக்கள் வழங்கியுள்ள உழைப்பையும் நினைவுகூர்ந்தார்.

டாக்டர். ஷேக் சுல்தான் பின் முஹமது அல் கஸீமி அவர்களுக்கு நினைவுப்பரிசாக பழமையான அரிய புத்தகங்கள், பண்டைய வரைபடங்கள், ஆவணங்கள் ஆகியவற்றை முதல்வர் வழங்கினார். அவற்றில் 18 ஆம் நூற்றாண்டைச் சேர்ந்த குர்ஆன் பிரதி ஒன்றும், மலையாள வரலாற்று புத்தகமும் அடக்கம்.

Source: Gulf News
தமிழில்: நம்ம ஊரான்
Share this article :






0 comments:

இந்த செய்தி தொடர்பான உங்கள் கருத்தை பதிவிடவும்

Loading...
 
Support : Blogger
Proudly powered by உண்மையின் பக்கம்
Copyright © 2016. உண்மையின் பக்கம் - All Rights Reserved