Tuesday, 1 August 2017

ஸ்ரீலங்கன் எயார்லைன்ஸ் விமானத்தில் ஏற்படவிருந்த தீ விபத்து தடுக்கபட்ட சம்பவம்.

ஸ்ரீலங்கன் எயார்லைன்ஸ் விமானத்தில் ஏற்படவிருந்த தீ விபத்து ஒன்று தடுக்கப்பட்டுள்ளதாக தெரிவிக்கப்படுகின்றது.

ஸ்ரீலங்கன் விமான சேவைக்கு சொந்தமான UL 166 என்ற விமானத்தின் கேபின் குழு உறுப்பினர்களினால் இந்த விபத்து தடுக்கப்பட்டுள்ளது.

லித்தியம் பேட்டரி அல்லது கையடக்க தொலைபேசியினால் இந்த தீ பரவல் ஏற்பட்டிருக்கலாம் என சந்தேகம் வெளியிடப்பட்டுள்ளது.

இந்த அனர்த்தம் கொச்சி விமான நிலையத்தில் இருந்து கொழும்பு செல்லும் விமானத்தில் நேற்று பதிவாகியுள்ளது.

உணவு பரிமாற்ற சேவை நிறைவடைந்து 70 நிமிடங்களில் பின்னர், விமானத்தின் பின்புறம் உள்ள எச்சரிக்கை கேபின் குழு உறுப்பினர்கள், பொதிகள் வைக்கப்பட்டிருக்கும் பகுதியில் இருந்து புகை வெளிவருவதை அவதானித்துள்ளனர்.

அறை மேலாளர் மற்றும் கேப்டனுக்கு இது தொடர்பாக உடனடியாக தகவல் தெரிவித்தனர். உடனடியாக பின்புற கேபின் குழு உறுப்பினர்கள் தீ அணைப்பான்களை எடுத்து தீ பரவும் பொதியின் மீது நீரை தெளித்துள்ளனர்.

அந்தக் குழுவானது அந்தப் பொதியை அங்கிருந்து அகற்றியதோடு, பயணிகள் இருக்கும் இடத்தில் இருந்து அதனை வெளியேற்றுவதற்காக விரைவாக எடுத்துச் சென்றுள்ளனர். அந்த நேரத்தில் அது மீண்டும் வேகமாக புகைப்பிடிக்கத் தொடங்கியுள்ளதாக குறிப்பிடப்படுகின்றது.

தீபற்றிய பையை ஒரு கொள்கலனை தண்ணீரில் மூழ்கச் செய்துள்ளனர். நிலைமை வெற்றிகரமாக கட்டுப்பாட்டிற்குள் கொண்டு வரப்பட்டதுடன், பொதியிலிருந்து புகை வெளியேறாமல் நிறுத்தப்பட்டது.

விசாரணையின் போது, ஒரு லித்தியம் பேட்டரி பை மற்றும் இரண்டு கையடக்க தொலைபேசிகள் கண்டுபிடிக்கப்பட்டுள்ளன.

Author: verified_user

0 comments: