Saturday, 15 July 2017

குவைத் போலிஸார் அதிரடிச் சோதனை! சட்ட விரோதமாக தங்கியிருந்த வெளிநாட்டவர்கள் சிக்கினர்


குவைத்தில் அவ்வப்போது அதிரடி சோதனைகள் நடத்தப்பட்டு சட்டவிரோதமாக தங்கியுள்ள வெளிநாட்டினர் மற்றும் தலைமறைவு குற்றவாளிகளை பிடிப்பது வழக்கம். அதன்படி கடந்த புதன்கிழமை அன்று அல் அஹ்மதி கவர்னரேட் பகுதியில் நடைபெற்ற அதிரடி சோதனையில் சிக்கிய 88 வெளிநாட்டவர்கள் விரைவில் நாடு கடத்தப்படவுள்ளனர்.

அதேபோல் வெளிநாட்டு தொழிலாளர்கள் தவறிழைப்பதற்கு காரணமான ஸ்பான்சர்கள் கண்டறியப்பட்டு அவர்கள் 'பிளாக் லிஸ்ட்' எனும் கருப்பு பட்டியலின் கீழ் கொண்டு வரப்பட்டு மேற்கொண்டும் அவர்கள் புதிய விசாக்கள் பெற தடைவிதிக்கப்பெறுவர்.

இத்தகைய அதிரடி சோதனைகளில் சிக்குபவர்கள் பெரும்பாலும் ஆசியா நாடுகள் மற்றும் அரபு பிரதேசங்களை சார்ந்தோரே அதிகம். அவர்களில் பலர் முறையான ஆவணங்கள் இன்றியும், விசா காலாவதியான பின் புதுப்பிக்காதவர்களும், குற்ற வழக்குகளில் தொடர்புடையவர்களும், தங்களுடைய ஸ்பான்சர்களிடமிருந்து ஓடிவந்து வெளியே வேலை செய்பவர்களுமே அதிகம்.

Source: Gulf News
தமிழில்: நம்ம ஊரான்

Author: verified_user

0 comments: