பேருந்தில் உறங்கிய இளைஞர்! கனவில் இறங்கியமையால் ஏற்பட்ட பரிதாபம்! இலங்கையில் தான்

Published On Thursday, 1 June 2017 | 13:49:00

வேகமாக பயணித்த பேருந்தில் இருந்து உறங்கிய நிலையில் கீழே இறங்கிய இளைஞர் ஒருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.
காயமடைந்த இளைஞர் லக்கல வைத்தியசாலையில் அனுமதித்த பின்னர் மேலதிக சிகிச்சைக்காக தம்புள்ளை வைத்தியசாலைக்கு மாற்றி அனுப்பப்பட்டுள்ளார்.
பேருந்தில் அமர்ந்து பயணித்து கொண்டிருந்த இளைஞர் கனவு கண்டவாறு நடந்து சென்று திடீரென பேருந்தில் இருந்து கீழே விழுந்துள்ளார் என வைத்தியசாலைக்கு தகவல் வழங்கப்பட்டுள்ளது.
அம்பாறையில் இருந்து தம்புள்ளை நோக்கி பயணித்த பேருந்தில் இந்த இளைஞர் பயணித்துள்ளார் எனவும் மேலதிக தகவல் பெற்று கொள்ள முடியாத நிலைமையில் அவர் உள்ளார் எனவும் வைத்தியசாலை பேச்சாளர் ஒருவர் தெரிவித்துள்ளார்.
உடம்பில் ஏற்பட்டுள்ள கடுமையான காயங்கள் காரணமாக நினைவற்ற நிலையில் இந்த இளைஞர் உள்ளார் எனவும், அவர் கிட்டத்தட்ட 33 வயதுடையவர் எனவும் குறிப்பிடப்படுகின்றது.
திடீரென ஏற்பட்ட இந்த விபத்தினால் குறித்த இளைஞர் அதிர்ச்சியடைந்துள்ளதாக வைத்தியசாலை அதிகாரிகள் குறிப்பிட்டுள்ளனர்.
இவர் இன்னமும் அடையாளம் காணப்படவில்லை என வைத்தியசாலை பேச்சாளர் குறிப்பிட்டுள்ளார்.
Share this article :






0 comments:

இந்த செய்தி தொடர்பான உங்கள் கருத்தை பதிவிடவும்

 
Support : Blogger
Proudly powered by உண்மையின் பக்கம்
Copyright © 2016. உண்மையின் பக்கம் - All Rights Reserved