Breaking News

ஸ்காட்லாந்து சர்ச்சில் குர்ஆன் வசனம் ஓத அனுமதி !


ஸ்காட்லாந்து நாட்டின் கிளாஸ்கோ நகரில் அமைந்துள்ள செயின்ட் மேரீஸ் கேதட்ரல் எனும் சர்ச்சில் நடைபெற்ற விழாவில் கலந்து கொள்ளுமாறு விடுக்கப்பட்ட அழைப்பை ஏற்று கிளாஸ்கோ நகர கம்யூனிட்டியை சேர்ந்த முஸ்லீம்கள் சிலர் கலந்து கொண்டனர்.


இந்நிகழ்வில் கலந்து கொண்ட முஸ்லீம்களிடம் சர்ச் நிர்வாகம் வேண்டுகோள் விடுத்ததை தொடர்ந்து அங்கு அல்குர்ஆனின் 19வது அத்தியாயமான சூரா மர்யத்தின் சில வசனங்கள் ஓதப்பட்டு பொருள் கூறப்பட்டது. இந்த அத்தியாயம் உலக முஃமீன்களின் தாய் என உலக முஸ்லீம்கள் அனைவருக்கும் முன்னுதாரணமாக குர்ஆனில் சொல்லப்பட்டுள்ள மர்யம் (அலை) மற்றும் நபி ஈஸா (அலை) அவர்களின் பிறப்பு மற்றும் இறைவனுக்கு மகன் இல்லை என மறுத்தல் பற்றியதாகும்.



கிருஸ்துவம் மற்றும் இஸ்லாமிய சமூக மக்களின் புரிந்துணர்வு நடவடிக்கையாக சர்ச்சிற்குள் குர்ஆன் ஓத அனுமதிக்கப்பட்டதற்காக இந்நிகழ்ச்சியின் நிறைவுக்குப் பின், சர்ச் பொறுப்பாளர்கள் மற்றும் குருமார்களை கடுமையாக வசைபாடி சமூக வலைத்தளங்களில் எழுதி வருகின்றனர் சிலர். இவர்கள் மீது நடவடிக்கை எடுக்கக்கோரி சர்ச் நிர்வாகம் சார்பாக காவல்துறையிடம் புகார் அளிக்கப்பட்டுள்ளது.



Source: Gulf News
தமிழில்: நம்ம ஊரான்

No comments