Tuesday, 22 January 2019

சவுதியின் சிறையில் தகுந்த சிகிச்சை வழங்கப்படாததால் பிரபல மார்க்க அறிஞர் வபாத்!

சவுதியின் சிறையில் தகுந்த சிகிச்சை வழங்கப்படாததால் பிரபல மார்க்க அறிஞர் வபாத்!

கலாநிதி அஹ்மத் அப்துல்லாஹ் அல் அம்மாரி அஸ்ஸஹ்ரானி  மதீனா முனவ்வராவிலுள்ள இஸ்லாமிய பல்கலைக்கழகத்தில் அல்குர்ஆன் கற்கைகளுக்கான துறையின் பீடாதிபதியாக இருந்தவர். சவூதியின் பாஹா மாகாணத்தை சேர்ந்த அல்மந்தக் மாவட்ட இணக்கசபையின் தலைவராகவும் கடமையாற்றியவர்.

மதீனாவின் தாயீக்கள் விவகார சபையின் தலைவராகவும் கடமையாற்றியவர். தப்ஸீர் துறையில் கலாநிதிப்பட்டம் பெற்று கல்வி மற்றும் மார்க்க பிரசார பணிகளில் வெளிநாடுகளிலும் பங்காற்றியவர்.

ஷெய்க் ஸபர் அல்ஹவாலியுடன் நெருக்கமாக இருந்தார் என்ற குற்றச்சாட்டு சியோனிச ஏஜென்ட் எம் பி எஸ்ஸால் சுமத்தப்பட்டு சிறையில் தள்ளப்பட்டார்.

விலங்கு - தனிச்சிறை - மனிதாபிமானமற்ற சிறையதிகாரிகள் சகிதம் சித்திரவதைகளை சுமந்தபடி ஷெய்க் அவர்கள் தனது கடைசி நாட்களையும் சிறையிலேயே கழித்தார்கள். அடிப்படை சிகிட்சை வசதிகள் மறுதலிக்கப் பட்டநிலையில் ........

கடந்த ஞாயிறு அன்று அவர் சிறையில் ஷஹீதான தகவல் வெளிவந்தது. 
மதீனாவின் ஒவ்வொரு மூலையும் அவருக்காக அழுகிறது. அது அடக்குமுறையாளனுக்கோ அவனுக்கு பல்லக்கு தூக்கும் போலி மார்க்கவாதிகளுக்கோ புரிவதற்கு நியாயமில்லை.

ஷெய்க் அவர்கள் சவூதி கொடுங்கோன்மைக்கு சிறையில் பலியாகும் முதல் அறிஞரும் அல்ல. கடைசி புத்தி ஜீவி என்றும் நம்புவற்கில்லை.

அல்லாஹ் அநியாயமாக சிறையில் இருக்கும் அனைத்து உலமாக்கள், புத்திஜீவிகள், மனிதாபிமானிகளையும் பாதுகாப்பானாக.
(பைரூஸ் மஹத்)
கிழக்கு ஆளுநரின் அழைப்பில் சவுதி நாட்டுத் தூதுவர் மட்டக்களப்பு விஜயம்!

கிழக்கு ஆளுநரின் அழைப்பில் சவுதி நாட்டுத் தூதுவர் மட்டக்களப்பு விஜயம்!

கிழக்கு மாகாண ஆளுநர் கலாநிதி எம்.எல்.ஏ.எம்.ஹிஸ்புல்லாஹ்வின் அழைப்பின் பேரில் இலங்கைக்கான சவூதி அரேபிய தூதுவர் அப்துல் நாஸிர் உவைல் அல் ஹாரிதி தலைமையிலான உயர் மட்ட குழுவினர் இன்று காலை (22) விஷேட விமானம் மூலம் மட்டக்களப்பு மாவட்டத்திற்கு விஜயம் மேற்கொண்டனர்.

ஆளுநர் கலாநிதி ஹிஸ்புல்லாஹ்வின் அழைப்பின் பேரிலேசவூதி அரேபிய தூதுவர் தலைமையிலான குழுவினர் மட்டக்களப்புக்கு வருகைதந்துள்ளனர். இக்குழுவினரை ஆளுநர்வரவேற்று அழைத்துச் சென்றார்.

கிழக்கு மாகாணத்திலுள்ள கணவனை இழந்த பெண்களின் வாழ்வாதாரத்தை மேம்படுத்தும் நோக்கிலும் மாகாணத்தின் கல்வி, சுகாதாரம், மீன்பிடித்துறைகளை அபிவிருத்தி செய்யும் நோக்கிலும் இவ்விஜயம் அமைந்துள்ளது. (தினகரன்)

நிறைவடையும் தருவாயில் மற்றொரு 2022 பீபா உலகக் கிண்ண  மைதானம்! புதிய படங்களை வெளியிட்டது கத்தார்!

நிறைவடையும் தருவாயில் மற்றொரு 2022 பீபா உலகக் கிண்ண மைதானம்! புதிய படங்களை வெளியிட்டது கத்தார்!

கத்தாரில் 2022ம் ஆண்டு நடைபெற இருக்கும் பீபா கால்ப்பந்து உலகக் கிண்ணத்துக்கான 2வது மைதானம் நிறைவுக் கட்டத்தை நெருங்கியுள்ளதாக Supreme Committee for Delivery & Legacy தெரிவித்துள்ளது. கத்தாரில் வடக்கில் அமைந்துள்ள அல்கோர் நகரில் அல் - பைத் (வீடு) என்ற மைதானமே நிறைவுக் கட்டத்தை எட்டியுள்ளது. அரபிகளின் கூடாரம் (மஜ்லிஸ்) அமைப்பையொத்த வடிவத்தில் இந்த மைதானம் அமைக்கப்பட்டுள்ளது. மேலும் உலகில் உள்ள மிகப் பெரிய கூடாரம் (Tent) என Supreme Committee for Delivery & Legacy தெரிவித்துள்ளது.

சுமார் 60000 பார்வையாளர்கள் அமரக் கூடிய வகையில் வடிவமைக்கப்பட்டுள்ள இந்த மைதானத்தில், உலகக் கிண்ணத்தின் முக்கிய போட்டிகள் உட்பட, அரையிறுப் போட்டிகளும் நடைபெறும் என்பதும் குறிப்பிடத்தக்கது. நிறைவு கட்டத்தை நெருங்கியுள்ள அல் பைத் மைதானத்தின் படங்கள் கீழே உள்ளன.



Monday, 21 January 2019

பிரிகேடியர் பிரியங்க பெர்னாண்டோ குற்றவாளியென லண்டன் நீதிமன்றம் தீர்ப்பு

பிரிகேடியர் பிரியங்க பெர்னாண்டோ குற்றவாளியென லண்டன் நீதிமன்றம் தீர்ப்பு

லண்டனில் கடந்த ஆண்டு சுதந்திர தினத்திற்கு எதிர்ப்பு தெரிவிக்கும் வகையில் புலம்பெயர் தமிழர்களால் முன்னெடுக்கப்பட்ட ஆர்ப்பாட்டத்தின் போது கழுத்தை அறுப்பதைபோன்று சைகை காட்டிய பிரிகேடியர் பிரியங்க பெர்னாண்டோ குற்றவாளி என லண்டன் நீதிமன்றம் தீர்ப்பு வழங்கியுள்ளது.

கடந்த ஆண்டு பெப்ரவரி மாதம் 4 ஆம் திகதி இலங்கையின் சுதந்திர தினத்திற்கு எதிர்ப்பு தெரிவிக்கும் வகையில் லண்டனில் உள்ள இலங்கை தூதரகத்திற்கு முன்பாக புலம்பெயர் தமிழர்களால் முன்னெடுக்கப்பட்ட ஆர்ப்பாட்டத்தின்போது கழுத்தை அறுப்பதைபோன்று பிரிகேடியர் பிரியங்க பொர்னாண்டோ சைகை காட்டியமை தொடர்பில் அவர் மீது வழக்கு பதிவு செய்யப்பட்டது.

இந்நிலையில் கொலை மிரட்டல் விடுத்த இராணுவ அதிகாரியான பிரியங்க பெர்னாண்டோவுக்கு எதிரான இரு குற்றச்சாட்டில் அவர் குற்றவாளியென லண்டன் நீதிமன்றம் தீர்ப்பு வழங்கியுள்ளது.
சவூதியில் இஸ்லாத்தை ஏற்ற 12 பணிப் பெண்கள்! இஸ்லாமிய வாழ்வு பிடித்து விட்டது என தெரிவிப்பு!

சவூதியில் இஸ்லாத்தை ஏற்ற 12 பணிப் பெண்கள்! இஸ்லாமிய வாழ்வு பிடித்து விட்டது என தெரிவிப்பு!

சவுதி அரேபியாவின் ஜெத்தா நகரில் ஹிப்சுர் ரஹ்மான் அகாடமியின் ஏற்பாட்டில் 12 பெண்கள் இஸ்லாமிய மார்க்கத்தை ஏற்றுக் கொள்ளும் நிகழ்வு ஏற்பாடு செய்யப்பட்டிருந்தது. இந்தியா, பிலிப்பைன், பிரிட்டன் என்று பல நாட்டைச் சேர்ந்த பெண்கள் இஸ்லாமிய மார்க்கத்தை ஏற்றுக் கொண்டனர். 

இவர்களின் குடும்பத்தினர் பெரும்பாலானோர் நாத்திக சிந்தனையிலேயே இருந்துள்ளனர். இந்த பெண்களும் பெற்றோர்களை பின்பற்றி நாத்திக சிந்தனையிலேயே இருந்துள்ளனர். பணி நிமித்தமாக சவுதி அரேபியா வந்த இவர்களுக்கு இஸ்லாமிய வாழ்வு முறை மிகவும் பிடித்து விட்டது. அகாடமியின் முயற்சியால் இந்த பெண்களுக்கு சில மாதங்களாக குர்ஆனின் போதனைகளும் நபிகளாரின் வாழ்வு முறையும் போதிக்கப்பட்டது. அதன் பிறகு நடந்த நிகழ்வில் 12 பேரும் இஸ்லாத்தை ஏற்றுக் கொண்டனர்.

படத்தில் இருப்பது எட்டு சகோதரிகள். மற்ற நான்கு சகோதரிகள் புகைப்படத்தில் இல்லை. இவர்கள் தங்கள் சொந்த நாட்டுக்கு திரும்பினாலும் இஸ்லாமிய மார்க்கத்தில் நிலைத்திருக்க இறைவன் அருள் புரிய வேண்டும் என்று நாமும் பிரார்த்திப்போம்.

தகவல் உதவி
சவுதி கெஸட்
துருக்கியின் பொருளாதாரத்தில் பெரும் இழப்பை ஏற்படுத்துவோம் ; டிரம்ப் எச்சரிக்கை..

துருக்கியின் பொருளாதாரத்தில் பெரும் இழப்பை ஏற்படுத்துவோம் ; டிரம்ப் எச்சரிக்கை..

சிரியாவில் இயங்கும் குர்திஷ் போராளிகள் மீது துருக்கி தாக்குதல் நடாத்தினால் துருக்கியின் பொருளாதாரத்தில் பெரும் இழப்பை ஏற்படுத்துவோம் என அமெரிக்க ஜனாதிபதி ட்ரம்ப் அச்சுறுத்தியுள்ளார். 

துருக்கி-சிரிய எல்லையில் இயங்கும் YPG எனப்படும் குர்திஷ் ஆயுதக் குழுவை, பயங்கரவாதிகள் என்று துருக்கி பட்டியல்படுத்தியுள்ளதோடு, அது துருக்கியின் பாதுகாப்புக்கு அச்சுறுத்தல் எனவும் கருதுகின்றது. 

கடந்த காலங்களில் அவ்வியக்கத்தை இலக்கு வைத்து சிரியாவின் எல்லைப் புறத்தில் துருக்கிய இராணுவம் தாக்குதல்களை மேற்கொண்டு வருகின்றது. இந்நிலையில், இத்தாக்குதல்கள் நீடிக்குமாயின் துருக்கி-அமெரிக்க உறவுகள் பாதிக்கப்படும் என ட்ரம்ப் நிருவாகம் எச்சரித்துள்ளது. 

YPG ஆயுதக் குழுவுக்கு வொஷிங்டன் ஆதரவளித்து வருவதாக அங்காரா குற்றம் சாட்டியுள்ளது. பயங்கரவாதத்திற்கு எதிரான போரில் அமெரிக்காவுடன் கைகோர்க்க வேண்டும் என்று பிற நாடுகளை அழுத்தி வரும் வொஷிங்டன், குர்திஷ் பயங்கரவாதிகளுக்கு ஆயுத மற்றும் பொருளாதார உதவிகளை வழங்கி வருவது முரண்பாடானது என துருக்கிய அதிகாரிகள் தெரிவித்துள்ளனர். 

அமெரிக்க இராணுவம் சிரியாவி லிருந்து வெளியேறும் இத்தருணத்தில், இரு நாடுகளுக்கும் இடையிலான பதட்டம் அதிகரித்துள்ளது.
சிரியாவில் இரான் இலக்குகள் மீது இஸ்ரேல் கடும் தாக்குதல்..!! பதில் தாக்குதலை நடத்தியது சிரியா

சிரியாவில் இரான் இலக்குகள் மீது இஸ்ரேல் கடும் தாக்குதல்..!! பதில் தாக்குதலை நடத்தியது சிரியா

சிரியாவில் உள்ள இரானின் இலக்குகளை தாங்கள் தாக்க தொடங்கிவிட்டதாக இஸ்ரேல் ராணுவம் தெரிவித்துள்ளது. இரானிய புரட்சிப் படையின் சிறப்பு பிரிவான குட்ஸ் படைக்கு எதிராக தங்களின் தாக்குதல் நடவடிக்கை அமைந்ததாக இஸ்ரேல் பாதுகாப்பு படை பிரிவு (IDF) கூறியுள்ளது.

மேலும், இது குறித்து எந்த தகவலையும் இஸ்ரேல் ராணுவம் தெரிவிக்கவில்லை. ஞாயிற்றுக்கிழமையன்று சிரியாவில் உள்ள கோலான் மலை பகுதி உச்சியில் உள்ள இலக்குகளில் இருந்து ஏவப்பட்ட ஒரு ராக்கெட்டை தாங்கள் இடைமறித்ததாக இஸ்ரேல் பாதுகாப்பு படை பிரிவு தெரிவித்தது.

இதேவேளையில், நாட்டின் வான் பாதுகாப்பு பிரிவு இஸ்ரேலிய வான்வழி தாக்குதல் ஒன்றை முறியடித்துள்ளதாக சிரியாவின் அரசு ஊடகமான சனா குறிப்பிட்டுள்ளது.

திங்கள்கிழமையன்று தான் வெளியிட்ட ட்விட்டர் செய்தியில், ”சிரியா பிராந்தியத்தில் இரானை சேர்ந்த குட்ஸ் படைகளின் இலக்குகளை தாக்க துவங்கிவிட்டோம்” என்று தகவல் வெளியிட்டுள்ளது.

இதற்கிடையே ஞாயிற்றுக்கிழமையன்று சாட் நாட்டுக்கு சென்றுள்ள இஸ்ரேல் பிரதமர் பெஞ்சமின் நெதன்யாஹூ ஓர் எச்சரிக்கை விடுத்தார்.

” சிரியாவில் மூர்க்கத்தனமாக செயல்பட்டு கொண்டிருக்கும் இரான் குழு இலக்காகக் கொள்ளவும், எங்கள் நாட்டுக்கு தீங்கு விளைவிக்கும் எவரையும் அழித்திடும் பணியில் ஈடுபடவும் நாங்கள் கொள்கை வகுத்துள்ளோம்,” என்று அவர் கூறினார்.

டமாஸ்கஸில் இந்த தாக்குதல் சம்பவத்தை கண்ட சில சாட்சிகள், இரவில் பலத்த வெடிப்பு சத்தங்கள் கேட்டதாக தெரிவித்தனர். இந்த தாக்குதல் சம்பவம் ஏற்படுத்தியுள்ள சேதங்கள் மற்றும் பாதிப்புகள் குறித்து இன்னமும் முழுமையாக தெரிவியவில்லை.

இதுவரை சிரியாவில் தாங்கள் நடத்திய தாக்குதல்கள் குறித்து மிகவும் ஆபூர்வமாகத்தான் இஸ்ரேல் ஒப்புக் கொண்டுள்ளது என்பது குறிப்பிடத்தக்கது.
பெருவிலிருந்து கத்தாருக்கு இறக்குமதியாகும் திராட்சைப் பழங்கள் பற்றி சுகாதார அமைச்சின் தகவல்!

பெருவிலிருந்து கத்தாருக்கு இறக்குமதியாகும் திராட்சைப் பழங்கள் பற்றி சுகாதார அமைச்சின் தகவல்!

பெரு நாட்டிலிருந்து கத்தாருக்கு இறக்குமதி செய்யப்படும் திராட்சைப் பழங்களில் பாவனைக்கு உகந்தவை அல்ல என தெரிவிக்கப்பட்டு அண்மையில் சந்தையை விட்டு அப்புறப்படுத்த கத்தார் சுகாதார அமைச்சு அறிவித்ததோடு திராட்சைப் பழ மாதிரிகளை ஆய்வு கூடங்களுக்கு அணுப்பி வைத்தது. 

தற்போது அந்த மாதிரிகளின் பெறுபேறுகள் கிடைக்கப்பெற்றுள்ள நிலையில் பெரு நாட்டிலிருந்து கத்தாருக்கு இறக்குமதி செய்யப்படும் திராட்சைப் பழங்களில் எந்த விதமான பிரச்சினைகளும் இல்லை. தாராளமாக பயன்படுத்த முடியும் என்பதாக கத்தார் சுகாதார அமைச்சு அறிவிப்பு செய்துள்ளது.

அண்மையில் நகராட்சி மற்றும் சுற்றுச்சூழல் அமைச்சின் உதவியுடன் கத்தாரின் சந்தைகளில் காணப்பட்ட பெரு நாட்டு திராட்சைப் பழங்கள் முழுமையாக அகற்றப்பட்டு இருந்தமை குறிப்பிடத்தக்கது. 


இலங்கையில் புதிய சட்டம் - முச்சக்கரவண்டி சாரதிகளுக்கு, இன்று முதல் உத்தியோகபூர்வ சீருடை!

இலங்கையில் புதிய சட்டம் - முச்சக்கரவண்டி சாரதிகளுக்கு, இன்று முதல் உத்தியோகபூர்வ சீருடை!

அடையாளப்படம்
முச்சக்கரவண்டி சாரதிகளுக்கு நாளை (21) முதல் உத்தியோகபூர்வ சீருடை அறிமுகப்படுத்தப்படவுள்ளதாக, தேசிய வீதி பாதுகாப்பு அதிகாரசபை தெரிவித்துள்ளது.

அதற்கான அனைத்து நடவடிக்கைகளும் பூர்த்திசெய்யப்பட்டுள்ளதாக சபையின் தலைவர் சிசிர கோதாகொட குறிப்பிட்டுள்ளார்.

சில முச்சக்கரவண்டி சாரதிகள், நாகரிகமான முறையில் உடைகளை அணிந்து பயணிப்பதில்லை எனவும் அவர் இதன்போது சுட்டிக்காட்டியுள்ளார்.

கடந்த 2 வருடங்களாக முன்னெடுக்கப்பட்ட செயலமர்வுகளில், தமக்கான சீருடையொன்றை வழங்குமாறு முச்சக்கரவண்டி சாரதிகளால் கோரிக்கை விடுக்கப்பட்டதாக தேசிய வீதிப் பாதுகாப்பு அதிகாரசபை குறிப்பிட்டுள்ளது.

எவ்வாறாயினும், இந்த நடவடிக்கைக்கு சில முச்சக்கரவண்டி சாரதிகள் எதிர்ப்பு வௌியிட்டுள்ளனர்.
கத்தாரில் தற்போது கடும் குளிர்! இந்த ஆண்டுக்கான அதி கூடிய குளிர் 8.6 பாகையாக பதிவு!

கத்தாரில் தற்போது கடும் குளிர்! இந்த ஆண்டுக்கான அதி கூடிய குளிர் 8.6 பாகையாக பதிவு!

தற்போது கத்தாரில் கடும் குளிர் காலநிலை நிலவுவதாக செய்திகள் தெரிவிக்கின்றன. அந்த வகையில் இந்த ஆண்டுக்கான கடும் குளிரான காலநிலை நேற்று (20.01.2019) அன்று பதிவாகியுள்ளது. 8.6 பாகை என்ற அளவில் வெப்பநிலை பாகிவாகியுள்ளதோடு கத்தார் எங்கும் மிகவும் குளிரான தன்மை காணப்படுகின்றது என பெனின்சுலா செய்தி வெளியிட்டுள்ளது.

கத்தார் காலநிலை அவதான நிலையத்தின் தகவல்களுக்கு அமைய கத்தாரின் தெற்கு பகுதியிலேயே இந்த அதிகூடிய (8.6 பாகை செல்சியஸ்) குளிர் பதிவாகியுள்ளது. 

பொதுமக்கள் குளிரிலிருந்து தங்களை காத்துக் கொள்ள தேவையான ஆடைகளை தேர்வு செய்து அணிந்து கொள்ளும் கேட்டுக் கொள்ளப்படுவதோடு, மூடுபனி காணப்படும் சந்தர்ப்பங்களில் வாகன ஓட்டுநர்கள் மிகவும் நிதானமாக செயற்படுமாறும் அறிவுறுத்தப்படுகின்றனர்.

Saturday, 19 January 2019

வெளிநாட்டில் படுகொலை செய்யப்பட்ட இலங்கை இளைஞன் - குடும்பத்தினர் வெளியிட்ட தகவல்

வெளிநாட்டில் படுகொலை செய்யப்பட்ட இலங்கை இளைஞன் - குடும்பத்தினர் வெளியிட்ட தகவல்

மாலைத்தீவில் இலங்கையர் ஒருவர் கத்தியால் குத்தி கொலை செய்யப்பட்டமை தொடர்பில் பொலிஸார் தீவிர விசாரணைகளை முன்னெடுத்துள்ளனர்.

திருமணமாகாத 24 வயதான தில்ஷான் என்பவரே உயிரிழந்தவர் என தெரியவந்துள்ளது.

2018ஆம் ஆண்டு புகைப்பட கலைஞராகவே அவர் மாலைத்தீவிற்கு சென்றுள்ளார். அங்கு இலங்கையை சேர்ந்த இரு இளைஞர்களால் தொடர்ந்தும் அவமதிப்புக்கு உள்ளாகியுள்ளார்.

இதனால் மன உளைச்சலுக்கு உள்ளான தில்ஷான், குடும்பத்தாருடன் தொலைபேசியில் உரையாடும் போது குறிப்பிட்டுள்ளார்.

இவ்வாறான நிலையில் கடந்த 11ஆம் திகதி அங்குள்ள இலங்கையர் ஒருவர் அவரை கத்தியால் குத்திவிட்டதாக, மற்றொரு இளைஞன், தில்ஷானின் சகோதரனிடம் குறிப்பிட்டுள்ளார்.

தில்ஷான் மேலும் 5 இளைஞர்களுடன் ஒரே அறையில் தங்கியிருந்துள்ளார். இந்நிலையில் அவர் கத்தியால் குத்தி கொலை செய்யப்பட்டுள்ளார்.

கடந்த 15ஆம் திகதி சடலம் இலங்கைக்கு கொண்டு வரப்பட்டதாக குடும்பத்தினர், பொலிஸாரிடம் வழங்கிய வாக்குமூலத்தில் தெரிவித்துள்ளனர்.
திருகோணமலை சன்முகா விவகாரம் ; அபாயா அணிந்த 4 முஸ்லிம் ஆசிரியைகளுக்கும் அதிரடி இடமாற்றம்..

திருகோணமலை சன்முகா விவகாரம் ; அபாயா அணிந்த 4 முஸ்லிம் ஆசிரியைகளுக்கும் அதிரடி இடமாற்றம்..

அபாயா அணிந்த 4 முஸ்லிம் ஆசிரியைகளுக்கு எதிர்ப்பு வெளியிட்ட திருகோணமலை சன்முகா இந்து கல்லூரி ஆசிரியைகளுக்கு அவர்களின் கலாசார உடையை அணிய தடை விதிக்க முடியாது என நீதிமன்றம் தீர்பளித்திருந்த நிலையில் குறித்த ஆசிரியைகளுக்கு மீண்டும் இடமாற்றம் வழங்கப்பட்டுள்ளது.

கடந்த இரு வாரங்களாக குறித்த ஆசிரியைகள் சன்முகா வித்தியாளத்திற்கு சென்ற போதும் அவர்களுக்கு நேரசூசி வழங்கப்படவில்லை என தெரிவிக்கப்பட்டிருந்தது . இந்த நிலையில் குறித்த 4 ஆசிரியைகளும் அதிரடியாக இடம்மாற்றம் செய்யப்பட்டுள்ளதாக தெரிவிக்கப்படுகிறது.

இது தொடர்பில் ஐக்கிய சமாதான முன்னணி தலைவர் ஐ என் எப் மிப்லாள்..
சவூதி அரேபியாவை 2-0 என்ற அடிப்படையில் தோல்வியடையச் செய்த கத்தார்!

சவூதி அரேபியாவை 2-0 என்ற அடிப்படையில் தோல்வியடையச் செய்த கத்தார்!

2019 AFC ஆசியாக் கிண்ண கால்ப்பந்து போட்டிகள் தற்போது அமீரகத்தின் அபுதாபி நகரில் நடைபெற்று வருகின்றதன. அதில் E பிரிவில் சவுதி அரேபியா - கத்தார் கடந்த வியாழக்கிழமை நடைபெற்ற போட்டியில் மோதின. இந்தப் போட்டியில் கத்தார் 2-0 என்ற கோல்கள் அடிப்படையில் சவுதியை வெற்றி பெற்றுள்ளது. 

கடந்த 2017ம் ஆண்டு ஜுன் மாதம் 5ம் திகதிக்குப் பின் கத்தார் - சவுதி நாடுகளில் நேரடியாக பங்கு கொண்ட ஒரு முக்கிய நிகழ்வாக இது பார்க்கப்படுகின்றது. கத்தாருடனான இராஜ தந்திர உறவுகளை முறித்துக் கொண்ட சவுதி அரேபியா - கூட்டணி நாடுகள் இதுவரை நேருக்கு நேராக சந்தித்துக் கொள்ளவில்லை. அவை நேரடியாக சந்திக்துக் கொண்டி முதல் சந்தர்ப்பம் என்ற காரணத்தல் மிகவும பரபரப்பாக பார்க்கப்பட்டது. 

2022ம் ஆண்டு கத்தார் 21வது கால்ப்பந்து உலகக் கிண்ணத்தை நடாத்த இருக்கும் நிலையில் இது போன்ற ஒரு போட்டில் சவூதியை வீழ்த்தியிருப்பது கத்தார் பிரஜைகள் மத்தியில் கடும் வரவேற்பைப் பெற்றுள்ளது என்றே கூறவேண்டும்.
வெளிநாடுகளில் வாழும், இலங்கையர்களுக்கு மகிழ்ச்சியான தகவல்..!

வெளிநாடுகளில் வாழும், இலங்கையர்களுக்கு மகிழ்ச்சியான தகவல்..!

புலம்பெயர் நாடுகளில் வாழும் இலங்கையர்களுக்கு மகிழ்ச்சியான தகவலை குடிவரவு குடியகல்வு திணைக்களம் வெளியிட்டுள்ளது. இரட்டை பிரஜாவுரிமையை அங்கீகரிக்காத நாடுகளில் வாழும் இலங்கையர்களுக்காக நிரந்தர வதிவிட விசாவை வழங்க நடவடிக்கை எடுக்கப்பட்டுள்ளது.

இந்தத் தகவலை திணைக்களத்தின் கட்டுப்பாட்டாளர்களில் ஒருவரான சமிந்த ஹெட்டியாராச்சி தெரிவித்தார். வதிவிட விசா வழங்குவதன் மூலம் இலங்கையர்களின் அறிவையும் ஆற்றல்களையும் நாட்டின் அபிவிருத்தியில் இணைத்துக் கொள்வது திட்டத்தின் நோக்கம்.

நிரந்தர வதிவிட வஜசாவை பெற்றுக்கொள்வதன் மூலம் வெளிநாட்டில் வாழும் இலங்கையர்கள் பல உரிமைகளை பெற முடியும். இதன்மூலம் இலங்கையில் முதலீடு செய்தல், காணிகளை குத்தகைக்கு பெற்றுக்கொள்ளுதல் போன்ற அனுகூலங்கள் முக்கியமானவை என ஹெட்டியாராச்சி கூறினார்.

இலங்கையில் இரட்டை பிரஜாவுரிமை கோரிய மேலும் ஆயிரம் பேருக்கு இரட்டை பிரஜாவுரிமை வழங்கப்படவுள்ளது. மேலும் ஐயாயிரம் பேர் இரட்டை பிரஜாவுரிமைக்காக காத்திருப்பதாகவும் திணைக்களத்தின் கட்டுப்பாட்டாளர் மேலும் தெரிவித்தார்.
சவூதி அரேபியாவில் நிர்க்கதியாகியுள்ள இலங்கை பணிப்பெண்களை மீட்க நடவடிக்கை

சவூதி அரேபியாவில் நிர்க்கதியாகியுள்ள இலங்கை பணிப்பெண்களை மீட்க நடவடிக்கை

(எம்.ஆர்.எம்.வஸீம்) சவூதியில் நிர்க்கதி நிலையில் பெண்கள் நலன்புரி நிலையத்தில் தங்கி இருக்கும் இலங்கைப் பணிப் பெண்களின் பிரச்சினை தொடர்பில் ஒருவாரத்துக்குள் தீர்வுகாண நடவடிக்கை எடுப்போம் என இலங்கை வெளிநாட்டு வேலைவாய்ப்பு கண்காணிப்பு அமைச்சர் ஹெட்டர் அப்புஹாமி தெரிவித்தார்.

அத்துடன் ஆள் கடத்தல்களில் ஈடுபடும் முகவர் நிறுவனங்களை நிரந்தரமாக தடைசெய்யும் உத்தரவு அமுல்படுத்தப்பட்டுள்ளது எனவும் அவர் மேலும் தெரிவித்தார்.

சவூதியில் இலங்கைப் பெண்கள் சிலர் நலன்புரி நிலையத்தில் நிர்க்கதியான நிலையில் இருப்பது தொடர்பில் சமூகவலைத்தளம் மற்றும் வேறு ஊடகங்களில் காணொளிகள் பிரசுரமாகி வருகின்றன. 

இதுதொடர்பில் தெளிவுபடுத்தும் ஊடகவியலாளர் சந்திப்பு இன்று இலங்கை வெளிநாட்டு வேலைவாய்ப்பு பணியகத்தில் இடம்பெற்றது. 

இதில் கலந்துகொண்டு கருத்து தெரிவிக்கையிலேயே இவ்வாறு குறிப்பிட்டார்.